Menya ko gusomana bifite ubutumwa bitanga ndetse n’ubusobanuro bitewe n’aho usomye umuntu

Hari abantu benshi usanga basomana nyamara ahanini bakabikora batazi icyo bakoze cyangwa ubutumwa batanze yewe batanazi ko aho basomye umuntu hafite igisobanuro. Reka nkubaze nti ese wowe iyo usomye umukunzi wawe cyangwa undi muntu wese, umusoma he ? Ese waba uzi ko aho usomye umukunzi wawe cyangwa undi muntu biba bifite icyo bisobanuye n’ubutumwa bwihariye uba umuhaye ? Nyamara bamwe ntibibabuza kubikora ariko batabisobanukiwe.

Gusomana kimwe mu bikorwa by’ingenzi kandi bifite byinshi bisonura ku bakundana,mu gusomana umwe ashobora gutahura icyo umukunzi we akunda cyangwa yifuza . Bitewe n’uko gusomana ari bumwe mu buryo bwo gutuma umuntu agaragazamo amarangamutima ye k’uwo asomye.

Soma neza usobanukirwe n’ubusobanuro bw’aho wasoma umuntu ndetse n’ubusobanuro butangwa n’imbuga zitandukanye kuri iyo bizou (Kiss) runaka bitewe n’aho itanzwe ndetse n’usomwe.

Gusoma umuntu ku kananwa : gusoma umuntu ku kananwa bigaragaza amarangamutima yawe yose ku wo usomye, ndetse byohereza amarangamutima yawe yose ku muntu usomye, ikindi gusoma umuntu ku kananwa uba ushaka kumwereka ko uzamuhora hafi ndetse ukajya umufasha muri byose, ibi ukaba ubikora wirengagiza uburanga no kwiyumvamo umuntu bitagaragarira ku mubiri inyuma.

Gusoma ku munwa : Gusoma muntu munwa bigaragaza urukundo nyarwo cyangwa bigasobanura “Ndagukunda” cyangwa ndashaka kugutereta. Gusoma umuntu ku munwa bishobora kugaragaza umubano mwiza n’urukundo ufitiye uwo usomye.
Gusoma umuntu ku tugufa turi hagati y’igituza n’ijosi : (Corralrbone) Bisobanura” Gusoma umuntu aha hantu bisobanura ko uba umukunda ku buryo kuri wowe aba ari inshuti y’inkoramutima, umuntu usomye undi aha hagati y’igituza n’ijosi ni igikorwa cyigaragaza ko wifuza bikomeye urukundo n’amarangamutima aganisha ku gukora imibonano mpuzabitsina . Hari benshi basoma bagenzi babo ari iki bagamije kubereka n’ubwo atari bose. Gusa niba ujya usoma uwo ukunda ujye ugerageza guhuza Kiss umuhanye n’icyo washakaga kumugaragariza hato utazasanga munyuranyije.

Gusoma umuntu ku gutwi : Gusoma umuntu ku gutwi bigaragaza ko umukunda mu buryo budasanzwe. Kenshi ibi bikunda kuryoha kandi bikanezeza ubikora igihe abikoze mu gihe cyo gukora imibonano mpuzabitsina. Abantu benshi ngo bakunda gusoma bagenzi babo ku matwi bagiye gukora imibonano mpuzabitsina cyangwa bari muri iki gikorwa. Bitewe n’uko abantu benshi bakunda gusomana ku matwi baganisha ku gikorwa cyo gukora imibonano mpuzabitsina bituma ariyo mpamvu ushobora gusoma umuntu ku gutwi agakeka ko aricyo wifuza kumubwira.

Gusoma mu kiganza : Gusoma umuntu ku kiganza waba uri umugore cyangwa umugabo gusoma umuntu ku kiganza bigaragaza ko uwo usomye umwiyumvamo kandi umufitiye urukundo rwinshi. Gusoma umuntu mu kiganza bigaragarza kwizerana hagati y’abakundana.

Gusoma umuntu mwahoberanye : iyo umubiri wakoranyeho iki ni ikimenyetso simusiga cy’urukungo nyarwo no kwemera ko nta wundi wakunda uretse uwo muri kumwe. Ibi bigaragaza ko abasomanye bahoberanye baba bakundana ku rwego rwo hejuru ku buryo baba bumva bagera ku byishimo byabo kugeza ku gihe cy’imibonano mpuzabitsina nta kwishishanya.

Gusoma umuntu bikurikiwe n’indoro yoroheje : Ku muntu umaze gusomwa, hatitawe ku ho bamusomye haba mu ijosi cyangwa ku munwa ariko bigakurikirwa n’indoro izira imbereka bifite ubusobanuro buhamya urukundo nyarwo. Gusoma umuntu warangiza ukamureba icyoroheje bituma kuwo basomye yumva ko akunzwe mu buryo budasanzwe kandi bigakomeza kumuremamo icyizere cy’urukundo rushinze imizi.

Alice UMWALI/Umubavu.com



Tanga igitekerezo kuri iyi nkuru



Igitekerezo
divine iranzi Kuya 24-10-2017

Nkeneye ubumenyi murukundo kuri gmail yanje

divine iranzi Kuya 24-10-2017

Nkeneye ubumenyi murukundo kuri gmail yanje

divine iranzi Kuya 24-10-2017

Naje nshaka kumenya vyinshi murukundo kuri gmail yanje

nishimwe hosian Kuya 18-10-2017

ndashaka nzendonka inkuruzurukundo kuri e-mail.