Menya inzu 15 zihenze kurusha izindi ku isi (Amafoto)

Birashoboka ko mu nzozi zawe ushobora kuba ujya utekereza ku nzu uzubaka cyangwa uzagura bitewe n’ubwoko bw’iyo ukunda cyangwa se bitewe n’ubushobozi uzaba ufite. Gusa uri ni urutonde rw’inzu 15 zihenze kuri iyi si zubatswe na bamwe mu baherwe ndetse n’aho ziherereye nkuko tubikesha richandricher.com.

Reka duhere ku mwanya wa 15 tujya hasi kuri uru rutonde rw’inzu zihenze kuruta izindi ku isi :

15. 15 CENTRAL PARK WEST

Iyi nzu ifite agaciro ka miliyoni 45 z’amadorari ya Amerika, ni iy’umuherwe w’umunyamerika witwa Daniel Loeb kandi iherereye mu mugi wa NEW YORK.

14. PROMISED LAND, MONTECITO

Iyi nzu ifite agaciro ka miliyoni 88 z’amadolari ya Amerika, iherereye mu mugi wa California, ni iy’umuherwe witwa Oprah Winfrey usanzwe anibitseho imitungo myinshi cyane. Bikunze kuvugwa ko yitwa umwamikazi w’itangazamakuru nk’akazina k’akabyiniriro.
13. MAISON DE L’AMITIE, PALM BEACH

Iyi ni inzu ifite agaciro ka miliyoni 94 z’amadorari ya Amerika ikaba yari iya Donald Trump kuri ubu yaguzwe n’umurusiya kuri miliyoni 95 z’amadorari y’amanyamerika. Iherereye mu mugi wa New York.

12. SILICON VALLEY MANSION, LOS ALTOS HILLS

Iyi nzu ni iya Yuri Milner w’umurusiya, kuri ubu ifite agaciro ka miliyari imwe nyamara yari yaguzwe miliyoni 100 z’amadorari y’amanyamerika bityo kuri ubu bayibariye agaciro ka miliyoni 100 zose. Iherereye mu mugi wa California. Iyi nzu ifite ibibuga by’imikino itandukanye ndetse n’amapisine.
11. FURTHER LANE DE MENIL, EAST HAMPTON

Iyi ni inzu ya Ron Baron wo mu mugi wa Adelaide de Menil nayo ikana iherereye mu mugi wa New York. Ifite agaciro ka miliyoni 103 z’amadorari ya Amerika
10. MOUNTAIN HOME ROAD, WOODSIDE

Iyi nzu iherereye mu mugi wa California, ni iy’umuherwe witwa Masayoshi Son, ifite agaciro ka miliyoni 117.5 z’amadorari y’amanyamerika
9. XANADU 2.0, SEATTLE

Iyi nzu ni iy’umuherwe uzwi cyane ku isi mu gutunga agatubutse ari we Bill Gates. Iherereye mu mugi wa Washington, ifite agaciro ka miliyoni 120.5 y’amanyamerika. Iyi nzu kandi ngo ikaba iri mu za mbere zubakanywe ikoranabuhanga ridasanzwe.
8. BLOSSOM ESTATE, PALM BEACH

Iyi ni inzu ifite agaciro ka miliyoni 130 z’amadorari y’amanyamerika. Ni iy’umuherwe Ken Griffins, iherereye muri Leta ya Florida.
7. BROKEN O RANCH

Iyi nzu ni iya Leta ya Amerika, ifite agaciro ka miliyoni 132.5 z’amadorari y’amanyamerika ikaba iherereye ahitwa Augusta. Iyi nzu kandi ngo kuyimenyaho byinshi biranagoye kuko irinzwe bikomeye.
6. ELLISON ESTATE, WOODSIDE ($200M)

Iyi nzu iherereye mu mugi wa California, ifite agaciro ka miliyoni 200 z’amadorari y’amanyamerika. Ni iy’umuherwe w’umuyapani witwa Larry Ellison ngo usanzwe uzwiho kuba umwe mu bagira imitungo myinshi cyane.
5. ONE HYDE PARK

Iyi nzu iherereye mu gihugu cy’u Bwongereza mu mugi wa London. Ifite agaciro ka miliyoni 221 z’amadorari y’amanyamerika. Iyi nzu ngo isanzwe izwi cyane ku isi kuko niyo ikorerano abakora imyitozo ngororamubiri, abaruhuka, abatunganya umuziki ndetse n’imyidagaduro itandukanye.
4. KENSINGTON PALACE GARDEN

Iyi nzu ni iya Tamara, umukobwa w’umumiliyoneri ukina irushanwa ry’utumodoka duto rizwi nka Formula One witwa Bernie Ecclestone. Iyi nzu nayo iherereye mu mugi wa London mu Bwongereza. Ifite agaciro ka miliyoni 222 z’amadorari y’amanyamerika.
3. VILLA LEOPOLDA, VILLEFRANCHE-SUR-MER

Iyi nzu yiswe iy’umwami King Leopold II w’u Bubiligi iherereye mu gihugu cy’u Bufaransa, ifite agaciro ka miliyoni 750 z’amadorari y’amanyamerika.
2. ANTILLA

Iyi nzu iherereye I Mumbai mu gihugu cy’u Buhinde, ni iya Mukesh Ambani umuherwe w’umucuruzi wo mu Buhinde. Ifite agaciro ka miliyari imwe y’amadorari y’amanyamerika.
1. BUCKINGHAM PALACE

Iyi nzu iri ku myanya wa mbere nk’inzu ihenze kuri iyi si ni iy’umwamikazi w’u Bwongereza Queen Elizabeth II. Iyi nzu yubatswe mu 1703, ifite ibyumba 775, ibitanda byo kuryamaho 52, ubwogero 78, ibyumba 19 Leta ikoreramo n’ibiro byo gukoreramo 280. Iyi nzu ngo ikaba yarubatswe ku buryo butangaje. Ifite agaciro ka miliyari 1.55 by’amadorari y’amanyamerika.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo