Meddy ashobora kujyanwa mu nkiko azira gusubiramo  indirimo y’Umurundi

Umuhanzi w’Umunyarwanda, Meddy ashoraba kujyanwa mu nkiko nyuma yo gusubira mo indirimo y’Umurundi ,Canjo Amissi mu gitaramo aheruka gukorera i Nyamata.

Ishyirahamwa ry’Abahanzi mu Burundi rivuga ko ritishimiye uburyo Meddy yasubiyemo indirimbo ya Nyakwigendera Canjo Amissi inzwi nka’’Nticica nk’Irungu’’ atabanje kubisabira uburenganzira.

Amashusho yafashwe n’Ikinyamakuru igihe agaragaza Meddy asubiramo iyi ndirimbo yaje gukwirakwizwa ku mbuga nkoranyambaga ,Ishirahamwe ry’abahanzi baharanira impinduka mu Burundi (Union des Artistes pour le Changement) ntibabyakiriye neza.

Umuyobozo w’iri shyirahamwe ,Cedrick Bangy yanenze imyitwarire ya Meddy ,abicishije ku rukuta rwe rwa Facebook yavuze ko baramutse babonye uburengenzira buvuye mu muryango wa Canjo Amissi bajyana Meddy mu nkiko zo mu Rwanda cyangwa mu Burundi.

Ati "Ntitwanze ko ko musubiramo indirimbo z’abakera mu kuziha agaciro zisanzwe zarihaye, ariko namwe mubanze musabe uruhushya benezo cyangwa batakiriho murusabe abo mu miryango yabo bityo habe kwubahana no kwubaha iby’abandi bahanga".

Arongera ati : "Ishyire mu mwanya w’umwana wa Canjo Amissi yaba ari muri icyo gitaramo akabona uburyo umuntu akorera amafaranga akoresheje amateka
y’indirimbo ya se ?"

Tubibutse ko Meddy yasubiyemo indirimbo "Ntacica nk’irungu" rwa Canco Amissi mu gitaramo bise Mutzig Beer Fest cyabereye i Nyamata muri Golden Tulip kuri uyu wa Gatandatu tariki 2 Nzeri 2017.

Umwali Alice/Umubavu.com



Tanga igitekerezo kuri iyi nkuru



Igitekerezo