Masisi :Imirwano ikomeye hagati ya FARDC n’amabandi yahitanye 4

Amabandi ane niyo yaguye mu mirwano yayahanganishije n’Ingabo za Repubulika Iharanira Demokarasi ya Congo (FARDC) mu ijoro ryo ku wa Gatanu rishyira uyu wa Gatandatu tariki 26 Kanama 2017.

Ibi bikaba byabereye muri Teritwari ya Masisi kuri Kilometero 15 mu Burengerazuba bw’Umujyi wa Goma.Ingabo za Congo zitangaza ko imirambo yose yahise ijyanwa mu buruhukiro bw’Ibitaro bya Goma.

Radio Okapi dukesha iyi nkuru ivuga ko umwe muri aya mabandi akomoka mu gace ka Kimoka muri Sake kuri Kilomereto zirenga 15 mu Burengerazuba bw’aho iyi mirwano yabereye.

Umuyobozi wa Sosiyete Sivile ,John Banyene, akaba yashimiye Ingabo za Leta kuri iki gikorwa cyo gukoma mu nkokora ibikorwa by’ubujura bifunga imihanda bakambura abagenzi.

Kuva mu mezi 3 ,hakunze kugaragara ibikorwa by’ubwambuzi bwibasira cyane cyane amakamyo aba yikoreye amabuye y’agaciro ayavanye i Masisi ayajyanye i Goma.

Gabriel Habineza/Umubavu.com



Tanga igitekerezo kuri iyi nkuru



Igitekerezo