Major Kalinijabo Cyprien wa RDF na  Bishop Nsabimana Daniel baguye mu mpanuka ikomeye

Mu ijoro ryo kuri uyu wa Gatanu tariki 3 Ugushyingo 2017, mu murenge wa Nyamirama ho mu karere ka Kayonza mu Burasirazuba bw’u Rwanda, mu muhanda Kigali- Kayonza - Rusumo, habereye Impanuka y’imodoka ya FUSO yagonganye na n’indi yo mu bwoko bwa Toyota Coaster itwara abagenzi hapfamo abantu babiri abandi 12 barakomereka. Aba bapfuye barimo umusirikare ufite ipeti rya Major hamwe n’umuvugabutumwa w’umu Bishop.

Iyi mpanuka yabaye ahagana saa tatu n’igice z’ijoro ryo kuri uyu wa Gatanu, yaguyemo Bishop Nsabimana Daniel wo mu Itorero Agape ndetse n’umusirikare mu ngabo z’u Rwanda, Major Kalinijabo Cyprien. Umurambo wa Major Kalinijabo Cyprien wahise ujyanwa mu bitaro bya gisirikare i Kanombe naho uwa Bishop Nsabimana wajyanywe mu buruhukiro bw’ibitaro bya ngoma.

Iyi mpanuka kandi yakomerekeyemo abantu 12 nk’uko byemejwe na Lt Col Munyengango Innocent, umuvugizi w’igisirikare cy’u Rwanda, wabwiye ikinyamakuru Ukwezi.com ko nk’Ingabo bababajwe n’ibyabaye. Yagize ati : "Nibyo kandi birababaje, nyakwigendera yitwaga Major Cyprien Karinijabo, yaguye mu mpanuka yakomeretsemo abandi 12, babiri barimo uwo mu Major bitaba Imana, byabaye saa tatu n’igice z’ijoro... Abitabye Imana baruhukire mu mahoro, abakomeretse nabo Imana ibabe hafi"

Mu bakomeretse cyane hakaba harimo umushoferi wa Coaster yo mu isosiyete itwara abantu ya Matunda, uyu akaba yahise yoherezwa mu bitaro bya gisirikare i Kanombe mu masaha y’ijoro, mu gihe abandi bakomeretse bavuriwe mu bitaro bya Rwinkwavu byo mu karere ka Kayonza.



Tanga igitekerezo kuri iyi nkuru



Igitekerezo
-xxxx- Kuya 5-11-2017

Andika Igitekerezo Hanno
RIP those who were died.

-xxxx- Kuya 5-11-2017

Andika Igitekerezo Hanno
RIP those who were died.

Bahigirora Rachel Kuya 4-11-2017

Abababuze Ababo Bakomeze Kwigangana