Koreya ya ruguru yiteguye gushoza intambara

Uhagarariye Amerika muri Onu arashinja Korea ya ruguru gushaka guteza intambara kubera ibikorwa byayo byo kugerageza ibisasu bya buri munsi.

Nikki Haley yasabye ko habaho inama yihuse y’akanama gashizwe umutekano ku isi higwa ku cyakorwa kuri iri geragezwa ry’ibisasu bya kirimbuzi ku buryo bukaze bw’iki gihugu.
Amerika nkuko ibitangaza ngo yo ntiyifuza intambara . mu magambo y’uhagarariye Amerika ati “"Ubu nta ntambara twifuza ariko kwihanganira Koreya ya ruguru birasa nkaho byenda kurangira kandi n’intambara bibaye ngombwa yabaho ".
Mu kiganiro bagiranye kuri telefone naDonald Trump, Minisitiri w’u Budage, Angela Merkel yavuze ko azasaba ko hashyirwaho ibihano bikomeye n’ishirahamwe ry’ubumwe bwa bw’ibihugu by’i Burayi ku gihugu cya Koreya ya ruguru.
Igihugu cy’u Bushinwa cyo gikomeje gusaba ko impande zose ziguma kuganira bityo byigire hamwe ku cyakorwa .
Inkuru zivuga ko Koreya ya ruguru ikomeje kwitegura kugerageza ibindi bisasu ititaye kuri ibi. Ku cyumweru Korea ya ruguru yaragerageje igisasu cyo mu kuzimu byemezwa ko cyari gifite ingufu ziri hagati ya kilotone 20 na 120.

Icyo kisasu gishobora kugira ingufu zirenze inshuro eshatu iz’igisasu cyakoreshejwe mu gusenyura agace ka Hiroshima mu ntambara ya kabiri y’isi yose muri 1945.
Ubushinwa ntibwipfuza ko iki gihugu kigira ibitwaro by’ubumara kandi rimwe na rimwe bwagiye bwerekana aho buhagaze kuri iki gihugu. Ariko kandi Ubushinwa ngo ntibwifuza ko abari ku butegetsi muri Korea ya ruguru babuvako. Ibi bikaba biri gutuma hari impunzi nyinshi zo muri Koreya ya Ruguru zihungira mu Bushinwa.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo