Korea ya Ruguru yongeye gutera ikindi gisasu hejuru y’u Buyapani

Korea ya Ruguru yateye igisasu hejuru y’u Buyapani ibi bikaba byateje ibibazo mu karere iki gisasu cyaguyemo. Ibi bibaye mu gihe hari hashize ibyumweru 2 gusa igerageje ikindi kibombe cyo mu bwoko bwa "nucléaire".

Nkuko tubikesha BBC,iki gisasu ngo cyageze ku burebure bw’ibirometero 770 mu kirere aho cyigenze ibirometero 3700 imbere yuko kigwa mu kiyaga cya Hokkaido, nkuko igisirikare cya Korea y’Epfo cyabivuze.

Iki kibombe ngo cyageze kure cyane mu kirere kuko cyagiye uburebure buruta ubw’igiheruka guterwa hejuru y’u Buyapani mu kwezi gushize.

Minisitiri wa mbere w’u Buyapani Shinzo Abe yavuze ko igihugu cye kitazakome4za kwihanganira aka gasuzuguro ka Koreya ya Ruguru.

Korea y’Epfo nayo yahise yihimura kuri iki gitero irasa ibisasu bibiri bya kirimbuzi mu kiyaga.

Minisitiri w’Ububanyi n’amahanga wa Amerika Rex Tillerson yanenze iterwa ry’iki gisasu binatuma akanama ka Onu gashinzwe umutekano ku isi gategura inama ku mugoroba wo kuri uyu wa gatanu i New York bisabwe na Amerika ndetse n’igihugu cy’u Buyapani.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo