Korea ya Ruguru  igiye kwihimura kuri Amerika

Mu butumwa bushya bwatanzwe kuri iki cyumweru nijoro, Korea ya ruguru yamenyesheje ko yiteguye gukoresha ubushobozi bwayo bwose mu gusubiza ibihano bayifatiye, kandi ko yiteguye kuzimya burundu Leta zunze ubumwe za Amerika niba itaretse Korea ngo yikomereze imigambi yayo mu mbaraga.

Korea yatangaje ko Amerika ariyo izishyura ibihano iri gushyiriraho Korea nk’uko bivugwa na Associated Press.

Mu itangazo ryaciye kuri Televiziyo y’igihugu, rivuga ko Perezida Kim Jong-un yifuza gukoresha ubushobozi bwose mu kwihimura ku buyobozi bwa Trump bise ubw’aba “gangsters”.

Ngo niba Amerika itaretse kwivanga mu bikorwa bya Korea by’imbaraga zayo iri kubaka nayo izabe yiteguye kuzima burundu.

Iri tangazo rya Korea rije nyuma y’uko NATO itangaje ko isi igeze ahantu hakomeye itigeze igera yegera intambara kirimbuzi.

Kuwa gatan, indege z’intambara za US n’Ubuyapani zakoze imyiyereko y’imbaraga, kubera ahanini amakuru ko Korea igiye kongera kugerageza ikindi gisasu kirimbuzi.

Ku cyumweru cyashize, Korea ya ruguru yakoze igerageza rya Hydrogen-Bomb, igisasu kibi kurusha ibindi ku isi. Inavuga ko izatera ikirwa cya US kitwa Guam kiri mu Nyanja ya Pacifique.

Ubuyapani buvuga ko iriya Bomb yageragejwe yari nto ku buryo ishobora gushyirwa kuri misile zambukiranya inyanja, ICBM (Intercontinental Ballistic Missile) zishobora kuraswa ku butaka bwa US.

Iyi bomb bagerageje ngo ikubye inshuto icumi ubukana Bomb atomic yarashwe kuri Hiroshima mu ntambara ya kabiri y’isi.

Perezida Trump we yavuze ko uburyo bwose bushoboka bwo kwikiza Kim Jong-un ubu buri kwigwaho harimo n’ubwo gukoresha abakomando nk’uko babigenje bica Osama Bin Laden.



Tanga igitekerezo kuri iyi nkuru



Igitekerezo