Kigali:Yishwe n’abagizi ba nabi agerageza  gutabara mugenzi we wari utewe

Umuvugizi wa Polisi mu Mujyi wa Kigali, SP Emmanuel Hitayezu

Umuturage wo mu Murenge wa Nyakabanda mu Karere ka Nyarugenge witwa Nkurunziza Jean Marie Vianney, yishwe n’abagizi ba nabi ubwo yageragezaga gutabara mugenzi we wari utewe.

Aya makuru yemejwe n’Umuvugizi wa Polisi mu Mujyi wa Kigali, SP Emmanuel Hitayezu, wavuze ibyo byabaye mu ijoro rishyira kuri uyu wa 25 Ugushyingo 2017, ubwo Nkurunziza yumvaga abantu barwana akajya gutabara.

Yagize ati “Mu gihe cya saa saba nibwo twamenyeshejwe ko hari ikibazo kibereye Nyakabanda tubwirwa ko hari umuntu uhaguye, polisi yihutiye kugerayo isanga ari ko bimeze.”

Yakomeje agira ati “Ibyo byaturutse ku kuba hari umuturage wari utashye mu masaha y’ijoro asanga hari abantu bamutegeye mu rugo iwe, agerageza kurwana na bo. Umuzamu yamukinguriye abantu bahita baturuka hirya batangira kumurwanya bashaka kwinjira mu modoka bikekwa ko bashakaga kumutwara ibyari birimo. Hari umuturage rero wari uri aho hafi wacuruzaga mu kabari atabaye bamutera icyuma baramukomeretsa, biza kumuviramo urupfu.”

Hitayezu yaboneyeho gusaba abaturage kujya batanga amakuru ku gihe mu gihe baba babonye ibikorwa nk’ibyo n’igihe babonye umuntu batamenyereye aho batuye mu masaha y’ijoro bajya batungira agatoki inzego z’umutekano.



Tanga igitekerezo kuri iyi nkuru



Igitekerezo
Theoneste Kuya 26-11-2017

Birababaje cyane kuba tugifite abantu nk’aba bagifite umugambi mubisha wo kuvutsa abandi ubuzima !

NDUNGUTSE Kuya 25-11-2017

BIRABABAJE CYANE,,

Lilianne Kuya 25-11-2017

Ariko ijambo gutangira amakuru kugihe rivugwa buri gihe habaye ikibazo rivugiki buriya ko njyewe bincanga.nigute c umwicanyi yateguza uwo agiye kwica cg undi wese ?habaye harababa babizi ntibabivuge nicyo cyibazo.Ikigaragara cyo nuko NT marondo akorwa hariya hantu.nigute abantu bategumuntu kdi baziko bafatwa.so nunva KO bibazwe nabayobozi bibanze impanvu ntamarondo akorwa yumwuga.twihanganishije umuryango wabuzze uwabo.