Kigali : Munyankusi  wiyita  Mesiya, ariyama  abamwita umusazi

Mu ibaruwa yashyize ahagaragara aravuga ko abamwita umusazi,bashingiye ku kuba avuga ko ari we Mesiya bakamugendaho ndetse n’ibindi bikorwa bibi bagenda bamugaragariza agiye kubahagurukira.

Mu kiganiro yagiranye n’Ikinyamakuru ,Umubavu.com , Munyankusi avuga ko we ategereje ko Imana ishobora byose na mwana bafata icyemezo cyo kumushyira ku mugaragaro nk’uko Imana yabigennye kuva kera kose,gusa ariko akavuga ko abamwita umusazi bafite ingorane kuko agiye kubahagurukira.

Yagize ati :”isi ikeneye gusobanukirwa kuko iri mu rujijo bavuga ngo nibo Mesiya cg bakabyigira bakayogoza isi abo ni abajura ,ni abanyazi cyangwa abagome kandi bagiye guhura n’ingorane vuba “.

Munyankusi agira ati :” Imana igiye guhishura uw’ukuri amagambo ashire ivuga kuri abo banyabinyoma, mu ru rupapuro Emmanuel MUNYANKUSI yagize ati :”Bidasubirwaho ni nge uwo abisiraheli bategerejeho Mesiya ndetse no gucungura Itorero RY’IMANA n’ubundi bwoko bwayo”.

Mu rupapuro yashyize ahagaragara akomeza agira ati :”mwirinde abanyamadini itorero ni rimwe nk’uko Bible ibivuga mu byahishuwe 14:1-5 mu by’ukuri iby’Imana birasobanutse kuko byose bibiliya irabivuga neza gusa abasoma nibo bafite ikibazo cyo kuyumva kimwe,umugani w’abakobwa 10 ubivuga neza aho 5 bari abapfapfa abandi 5 ari abanyabwenge ,ni kiliziya gatorika na groupe protesta andi madini yemera ko Yezu Christo ari umwana w’Imana ukuyemo kiliziya Gatorika ,hagati ya kiliziya na Protesta umwe ni umupfapfa undi ni umunyabwenge”.

Munyankuzi yagize ati :”Nabwiye abantu uwo ndi we ariko bakomeza kunsuzugura gusa umunsi nzigaragaza ntawemerewe kuva aho ari,baransuzuguye barakabya none ngo basigaye birirwa mu nama yo kunyirenza,baribeshya “.

Agira ati :”by’umwihariko u Rwanda nk’igihugu cy’amavuko mushakashake Nyagasani kuko imperuka iri bugufi ndetse n’ibiyibanziriza byose ijuru rigiye kwisubiza icyubahiro ab’isi bigabije bakigira ibitangaza kandi Imana ko icyubahiro cyayo nta wundi izagiha ”.

Asoza agira ati :”ndihanangiriza abavuga ko nasaze cyangwa ababeshya ko ibyo byose babyigumanira ntabwo mbikeneye abantu bahawe amatwi yumva n’amaso abona babikoreshe rero isi ikeneye umucunguzi bidasubirwaho".

Munyankusi Emmanuel avuka ijabiro mu murenge wa Nyarusange akarere ka Muhanga intara y’amajyepfo kugeza ubu akomeza gushimangira ko ariwe Mesiya uvugwa muri bible ibyahishuwe 12 kandi akaba avuga ko bidatinze agiye gutangira kwerekana ibimenyetso bihamya ukuri kw’ibyo avuga.

Yanditswe na Anaclet NTIRUSHWA



Tanga igitekerezo kuri iyi nkuru



Igitekerezo