Kenya : Yirirwa abungana icyapa cyanditseho ko ashaka umugabo w’umuzungu

Cate Gachara wo mu gihugu cya Kenya kuri ubu ufite abana batatu yirirwa abungana icyapa cyanditseho ko ashaka umugabo w’umuzungu wo kumufasha kurera abana be ngo kuko yamaze kubona ko abagabo b’abazungu ari bo bazi kubahiriza inshingano z’urugo.

Ifoto ya Cate Gachara yagaragaye ku mbuga nkoranyambaga zitandukanye yatangaje abantu benshi aho yari atwaye icyapa cyanditseho ko ashaka umugabo w’umuzungu umufasha kurera abana be batatu yagiye abyarana n’abagabo batandukanye bo muri Kenya avuga ko badashoboye inshingano z’urugo na gato.
Cate Gachara yatangaje abantu kubera kwirirwa abungana icyapa cyanditseho ko yifuza umugabo w’umuzungu mu migi itandukanye mu yo mu gihugu cya Kenya nyuma ngo yo kubona ko abagabo b’abanyakenya bose batazi kubahiriza inshingano z’urugo. Nyuma yo kurokoka impfu nyinshi z’abagabo b’abanyakenya bamuroga bashaka kumwica, nicyo cyatumye yishakira umugabo w’umuzungu wamukunda akamukundwakaza ndetse akanamufasha kurera abana be batatu afite.
Cate Gachara avuga ko abagabo b’abazungu bakunda umuntu batagendeye ku byo atunze cyangwa ikindi kintu runaka ndetse ntibanirengagize inshingano baba bafite mu rugo nkuko abagabo b’abanyakenya babigenza.
Mu magambo ye yagize ati” nyuma yo kugenda ndokoka impfu nyinshi z’abagabo b’abanyakenya bashaka kunyica nicyo cyatumye nandika iki cyapa mfite intego yo kwishakira umugabo w’umuzungu kuko abagabo bo muri Kenya bose ari bamwe batazi kubahiriza inshingano z’ingo zabo nkuko abazungu babikora. Bityo ndizera ko mubonye yankunda akankundwakaza ndetse akanamfasha inshingano z’urugo zirimo kurera abana. Abagabo b’abanyakenya bo iyo babonye ishingano z’urugo ntumenya n’aho baciye mu gihe abazungu bo rwose bita kun go zabo cyane”.
Cate Gachara yavuze ko yarozwe inshuro nyinshi na bamwe mu bagabo bo muri Kenya bashaka kumwica ariko Imana ikamukingira ukuboko. Yavuze kandi ibi ari byo byamuteye kwibaza umugabo ushobora kumufasha inshingano z’urugo atazirozonga niko gufata umwanzuro wo kwandika icyapa akajya yirirwa akizererana mu migi itandukanye ya Kenya yishakira umugabo w’umuzungu ngo kuko yari yamaze kumenya neza ko ari bo batirengagiza inshingano zabo mu rugo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo