Kenya : Umwanzuro wo gusubiramo amatora y’umukuru w’igihugu urasiga bamwe hanze

Mu gihugu cya Kenya umwe mu badepite yasabye ko umukuru w’urukiko rw’ikirenga muri icyo gihugu yirukanwa burundu ku mwanya we kubera icyemezo cy’urwo rukiko giherutse gufatwa cyo gutesha agaciro ibyavuye mu matora y’umukuru w’igihugu aherutse kuba.

Nkuko tubikesha BBC, Ngunjiri Wambugu, umwe mu badepite ba Kenya arashinja umucamanza mukuru, David Maraga, kwitwara nabi no gukora icyo we yise guhirika ubutegetsi yitwaje amategeko. Bwana Wambugu ava mu rugaga Jubilee ruri ku butegetsi rwa Perezida Uhuru Kenyatta.

Uyu mucamanza mukuru na bagenzi be batatu bashyigikiye icyemezo cy’umukandida utavuga rumwe n’ubutegetsi ari we Raila Odinga uvuga ko amatora aherutse yaranzwe n’uburiganya. Urukiko rw’ikirenga rwa Kenya rwategetse ko ayo matora asubirwamo mu kwezi gutaha tariki ya 17 Ukwakira uyu mwaka.

Depite Nunjiri Wambugu yifuza ko akanama gashinzwe kugenzura abacamanza gakora iperereza ku myitwarire y’uwo mucamanza no kumwirukana ku mirimo ye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo