Kenya : Umwana w’imyaka 10 yatewe n’indwara y’amayobera

Mu gihugu cya Kenya umwana witwa Eunice Wanjiku nyuma y’amezi atatu yijihije isabukuru y’imyaka 10 amaze yatewe n’uburwayi budasanzwe.

Eunice Wanjiku umwana w’umukobwa w’imyaka 10 akomeje kubabaza abanyakenya kubera indwara idasanzwe ndetse y’amayobera arwaye ku mubiri we bivugwa ko ntawuzi icyayimuteye cyane ko ngo mu mezi atatu ashize ubwo aheruka kwizihizaga isabukuru y’imyalka 10 amaze avutse yari yagaragaye nta kibazo afite ku mubiri we.

Abaturanyi b’umuryango w’uyu mwana binavugwa ko utishoboye bashyize amafoto y’uyu mwana ku mbuga nkoranyambaga zitandukanye bamusabira ubufasha ku muntu wese wumva afite umutima w’urukundo no gufasha.
Uyu mwana yafashwe n’indwara y’uruhu idasanzwe yiswe “Sclerodermis” ngo iyi ndwara ikaba igenda inamwangiza imitsi, amaraso ndetse n’ibindi bice by’umubiri. Ababyeyi b’uyu mwana bivugwa ko ari abo mu bwoko bw’abakikuyu basabye abanyakenya kubafasha uko bashoboye kose bakabasha kubona amafaranga yo kuvuza uyu mwana wabo. Kubw’amahirwe ngo uyu muryango wgiye ubona ubufasha butandukanye bwo kuvuza uyu mwana.
Uyu mwana yajyanwe mu bitaro bya Kenyatta aho ari kuva mu kwezi kwa gatanu, gusa abaganga bakaba barahumurije ababyeyi b’uyu mwana bababwira ko nubwo iyi ndwara yamwangije cyane ishobora kuvurwa igakira akongera kugira ubuzima bwiza.
Gusa ngo ibi byatangaje abantu kuko ngo bamwe babonaga ko ubuzima bw’uyu mwana buri mu marembera kuva umunsi yishimira isabukuru ye y’imyaka 10.
Kugeza ubu ngo Eunice Wanjiku amerewe neza aho akomeje kwitabwaho n’abaganga mu bitaro bya Kenyatta

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo