Kenya: Umusore yateye icyuma umukunzi we ku ibere bagenzi be baramwivugana

Ubwo bari mu rugendo mu modoka imwe, Simon Njira Mithamo wo mu kigero cy’imyaka 45 y’amavuko wo mu gihugu cya Kenya mu gace ka Buruburu yateye umukunzi we icyuma ku iberebari kumwe mu modoka niko guhondagurwa na bagenzi be bari basiritse kubera umujinya kugeza apfuye.

Kuri uyu wa kabiri tariki ya 27 Gashyantare nibwo Simon Njira Mithamo yivuganywe na bagenzi be bari basiritse bikomeye nyuma yuko ateye icyuma uwari umukunzi we ubwo bari mu modoka imwe itwara abagenzi.

Ikinyamakuru Tuko cyanditse iyi nkuru kivuga ko Simon Njira Mithamo yateye icyuma umukunzi we yari afite mu modoka barimo ku ibere ry’ibumoso ubwo bari mu modoka bava mu gace ka Buru buru berekeza mu mujyi wa Nairobi.

Augustin Wanjiru watewe icyuma, yahise avuza induru mu modoka barimo abwira umushoferi guhagarika imodoka byihuse. Nyuma yuko imodoka ihagaritswe, nibwo Mithamo yahondaguwe bikomeye na bagenzi be bari muri iyo modoka dore ko bari bazibiranyijwe n’uburakari birangira uyu musore anapfuye.

Wanjiru watewe icyuma yari yicaye hafi y’umushoferi ari naho yaterewe icyuma n’umukunzi we Simon Njira Mithamo ngo wari winjiye mu modoka ku buryo bw’ibanga yikinga uyu mukunzi we.

PNG - 1.1 Mb
Aha imodoka zari zahagaze ku bwinshi nyuma y’iri bara uyu musore yari amaze gukora


Aganira n’itangazamakuru Wanjiru watewe icyuma n’uwari umukunzi we yagize ati “sinamenye ko yinjije mu modoka, namubonye aza aturuka ku ntebe y’inyuma mu modoka anyegera nibwo numvise anteye icyuma ku ibere ry’ibumoso”.

Wanjiru yahise ajyanwa ku bitaro bimwegereye ubuzima bukomeza kwanga ajyanwa ku bitaro bikuru bya Kenyatta aho kuri ubu akomeje kuvurirwa.

Kugeza ubu ntiharamenyekana icyaba cyarateye nyakwigendera Simon Njira Mithamo gutera icyuma umukunzi we bari mu modoka imwe bava mu gace ka Buruburu berekeza mu mujyi wa Nairobi.

Nyuma yo kwicwa n’inkoni za bagenzi be, umurambo w’uyu musore wahise ushyingurwa mu irimbi riherereye mu gace ibi byabereyemo.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo