Kenya : Umupasiteri arashinjwa kwiba akayabo

Zachary Njoroge, umupasiteri wo mu gihugu cya Kenya uyobora itorero rya Jehova Jireh Church arashinjwa kwiba umugore bari kumwe mu ndege banakorana ubucuruzi amafaranga asaga ibihumbi 600,000 by’amashilingi ya Kenya.

Uyu mupasiteri uyobora itorero rya Jehovah Jireh rikorera mu burengerazuba bw’igihugu cya Kenya akaba yagejejwe imbere y’ubutabera ashinjwa guteka umutwe ku mugore witwa Jane Ndung’u bakoranaga ubucuruzi amubwira ko uretse gukora ubucuruzi ari n’umukozi w’Imana atagira uburyarya.

Uyu mugore akimara kumva ibi yahise amuguriza 600,000 by’amashilingi ya Kenya ndetse ayamushyirira kuri konti ye nkuko uyu mupasiteri yayashakaga ngo ayifashishe ariko nyuma yo kuyabona ngo uyu mugore ntiyamenye aho aciye kuko yahise amwihisha yewe na telefoni arayizimya.

Jane Ndung’u bivugwa ko yakoreraga Leta ya Kenya ubu akaba ari umucuruzi ngo uyu mugabo yamubwiye ko ari umwe mu bakozi bo ku kibuga cy’indege cya Kenya (Kenya Airways) bityo ko nta kibazo yahagirira yewe no mu bijyanye n’ubucuruzi bwe.

Uyu mupasiteri ngo n’ubusanzwe abantu bari basanzwe bamukekaho iyi ngeso ngo gusa ntibabishyire ku mugaragaro. Uyu mugore yabwiye urukiko ko bari basanzwe baziranye n’uyu mugabo ngo kuko bigeze guhurira nawe ku ifunguro ryo kuri uru rusengero ayobora ariko ngo akiri mutoya bityo bakaza kugenda bamenyana gutyo.

Yagize ati “twari dusanzwe tuziranye kuko twigeze duhurira ku ifunguro ku rusengero ubu ayobora ariko icyo gihe akiri muto kuko yayoboraga urubyiruko, bityo rero nabonaga kumuguriza ntacyo bitwaye cyane ko nange nashoboraga kumwiyambaza mu bucuruzi bwange”.

Gusa ngo uyu mugabo yaje kugirwa umwere n’ubutabera nyumayuko ibyo yaregwaga byose yari yabihakanye gusa atanga 200,000 by’amashilingi ya Kenya y’amagarama y’urukiko.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo