Kenya : Umunyeshuri yafatanywe imbunda aho aryama

Ubuyobozi bwa Polisi mu gace ka Rangwe mu gihugu cya Kenya bwatangaje ko bwafatanye umunyeshuri wiga mu mwaka wa kane imbunda ya Pistol ndetse n’ibiyobyabwenge birimo urumogi.

Uyu munyeshuri wiga mu kigo cya Orero High School kigwamo n’abahungu gusa yafatanywe iyi mbunda ndetse n’urumogi abifite aho aryama mu gikapu cye.

Iyi nkuru yamenyekanye ejo hashize tariki ya 12 Nzeli 2017 ko uyu mwana afite iyi mbunda ndetse n’ibiyobyabwenge nyuma yuko umunyeshuri mugenzi we abibonye.
Nyuma uyu mwana yatswe iyi mbunda na Polisi ya Rangwe. Bikaba binavugwa ko yajyaga ayikangisha abanyeshuri bagenzi be kugira ngo bamuhe ibyo bafite. Si iyi mbunda gusa uyu mwana yafatanywe kuko yari anafite ibiburi 2 by’urumogi.
Gusa ntiharamenyekana uburyo uyu munyeshuri yinjije iyi mbunda aho baryama ndetse n’icyabimuteye. Polisi y’igihugu cya Kenya ikomeje guhata uyu munyeshuri ibibazo ngo imenye nyirizina icyateye uyu mwana kuzana imbunda ku ishuri.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo