Kenya :Komisiyo y’amatora igiye gukorwaho iperereza

Umushinjacyaha mukuru muri Kenya yategetse ko haba iperereza muri komisiyo y’amatora ku byaha bishobora kuba byarakozwe mu matora y’ukwezi kwa Munani yagizwe impfabusa.

Keriako Tobiko yasabye polisi n’urwego rushinzwe kurwanya ruswa gutanga ibisubizo mu minsi 21.

Yanasabye gusuzuma ibirego bivuga ko babiri mu bakandida bakomeye batavuga rumwe n’ubutegetsi bashobonye kugera kuri mudasobwa za komisiyo y’amatora ku buryo butemewe n’amategeko.

Urukiko rw’Ikirenga rwavuze ko amatora y’umukuru w’igihugu yagaragayemo ibintu bitubahirije amategeko ariko ntirwigeze rutunga agatoki abantu ku giti cyabo. Andi matora ateganyijwe kuba ku itariki ya 26 z’ukwa Cumi.

Abagize akanama k’amatora bari batangaje mu kwexi gushize ko perezida Uhuru Kenyatta yagize amajwi 54% naho uwo bari bahanganye Raila Odinga akabona 44%.
Ariko Bwana Odinga yiyambaje ubucamanza avuga ko yahugujwe intsinzi.

Ku itariki ya 01/09 Urukiko rw’ikirenga rwatangaje ko amatora "atarimo umucyo kandi atashoboraga kugenzurwa" rufata umwanzuro utarigeze ufatwa mbere, ruyatesha agaciro.



Tanga igitekerezo kuri iyi nkuru



Igitekerezo