Kenya : Itariki yo gusubiramo amatora ya Perezida  yahindutse

Umukuru w’akanama gashinzwe gutegura amatora muri Kenya (IEBC), yatangaje ko amatora y’umukuru w’igihugu mu gihuhgu cya Kenya azasubirwamo ku itariki ya 26 z’ukwezi kwa cumi uyu mwaka.

Wafula Chebukati, uyobora akanama gashinzwe gutegura amatora mu gihugu cya Kenya yari yasabye mbere ko aya matora yasubirwamo ku itariki ya 17 z’ukwezi kwa cumi uyu mwaka. Yavuze kandi ko guhindura iyi tariki bigiye gutuma aka kanama ayoboye gategura neza aya matora nkuko urukiko rukuru rwabisabye.
Abacamanza bavuze ko amatora yabaye ku itariki 8 ukwezi kwashize ataranzwe n’umucyo ari nabyo byatumye urukiko rukuru rufata icyemezo cyo gutesha agaciro ibyari byayavuyemo.

Tubibutse muri aya matora yegejwe ku itariki ya 26 z’ukwezi kwa cumi hazahangana abakandida babiri gusa ari bo Uhuru Kenyatta ukomoka mu ishyaka Jubilee na Raila Odinga uva mu ishyaka rya NASA ritavuga rumwe n’ubutegetsi bwa Kenya.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo