Kenya : Imyigaragambyo y’abashyigikiye Raila Odinga ikomeje gufata indi ntera (Amafoto)

Kuri uyu wa kabiri nibwo abarwanashyaka b’ishyaka ritavuga rumwe n’butegetsi bwa Kenya (National Super Alliance, NASA) riyobowe na Raila Odinga, bigabye mu mihanda ku buryo budasanzwe basaba ko akanama gashinzwe gutegura amatora (Independent Electoral and Boundaries Commission, IEBC) kahindurwa.

Aba bigaragambyaga bahaye igipolisi cya Kenya akazi katoroshye cyane ko bigaragambirizaga hanze y’aho aka kanama gashinzwe gutegura amatora gakorera basaba ko Chiloba uyoboye aka kanama na bagenzi be bakweguzwa bwangu ku mirimo yabo.
Nkuko ikinyamakuru gikorera ku murongo wa interineti,TUKO.co.ke kibitangaza ngo no gufata amafoto y’aba bigaragambyaga kari akazi katoroshye na gatoya.

Polisi ya Kenya yagerageje gukoresha ibyuka biryana mu maso go itatanye abigaragambyaga gusa ntibyayoroheye kuko batabyumvaga aho bigaragambirizaga hanze y’umuturirwa wa Anniversary Towers aka kanama gashinzwe gutegura amatora (Independent Electoral and Boundaries Commission) gakorera.
Aya ni amwe mu mafoto twagerageje kubona y’abigaragambyaga nubwo bitoroheye abanyamakuru bayafataga.

Tubibutse ko urukiko rukuru rwa Kenya rwafashe icyemezo cya gutesha agaciro intsinzi ya Uhuru Kenyatta mu matora yari yabaye tariki 08/08/2017 ruvuga ko aya matora yabayemo uburiganya. Amatora ateganyijwe gusubirwamo tariki ya 26/10/2017 kandi abazahatana bemejwe n’akanama gashinzwe gutegura amatora ni Uhuru Kenyatta wari usanzwe uri ku butegetsi na Raila Odinga utavuga rumwe na Kenyatta.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo