Kenya : Hemejwe igihe amatora y’umukuru w’igihugu azasubirirwamo

Komisiyo ishinzwe amatora mu gihugu cya Kenya yemeje ko amatora ya prezida wa Repubulika muri iki gihugu azasubirwamo tariki ya 17 z’ukwezi gutaha kwa cumi uyu mwaka.

Nyuma yuko urukiko rukuru rwo mu gihugu cya Kenya rutesheje agaciro ibyatangajwe na komisiyo y’amatora, Perezida wa Komisiyo y’amatora muri Kenya, Wafula Chebukati yavuze ko muri aya matora hazahangana abakandida babiri gusa aribo, Perezida Uhuru Kenyatta na Raila Odinga wahoze ari Minisitiri w’intebe.
Wafula Chebukati, Perezida wa Komisiyo y’amatora mu gihugu cya Kenya yagize ati"Ntituzongera guhitamo abandi bakandida baziyamamariza kuyobora igihugu muri aya matora shya”. Abagabo barimo Raila Odingana yari yateye utwatsi ibyari byavuye mu matora afatanyije n’abamushyigikiye barimo Stephen Kalonzo Musyoka, gusa kuri iyi nshuro bikaba byemejwe na komisiyo y’amatora ko abazahatana ari Perezida Uhuru Kenyatta na Raila Odinga gusa.
Mu kwanga ibyavuye mu matora aheruka ku itariki 8 z’ukwezi kwa munani, Urukiko rukuru mu gihugu cya Kenya rwari rwareze akanama gashinzwe amatora ko atateguwe neza.

Gusa ngo komisiyo ishinzwe amatora ntiyateguye amatora yujuje n’ibisabwa n’itegeko rigenga amatora. Bityo iyi komisiyo ikaba isabwa kuzirinda amakosa nk’ayabaye mu gutangaza ibyari byavuye mu matora ya mbere.

Daniel MUKESHIMANA/Umubavu.com.



Tanga igitekerezo kuri iyi nkuru



Igitekerezo