Kenya : Aratabaza kuko abana be bagiye kwicwa n’inzara

Florence Cheptoo w’imyaka 37 y’amavuko wo mu gihugu cya Kenya aratabaza nyuma yuko uwari umugabo we Karim Moussa amucitse akaburirwa irengero amusigiye abana bane babyaranye mu gihe cy’imyaka bari bamaranye babana.

Florence aratabaza nyuma yuko umugabo bari barashakanye amucitse agahunga urugo ntawuzi ikimujyanye kugeza kuri akaba yaraburiwe irengero nyuma y’igihe kingana n’amezi abiri yose atamuca iryera.
Florence atangaza ko mu busanzwe nta kintu yapfaga n’umugabo we mu gihe bari bamaranye gusa akavuga ko yatangajwe n’ibyamubayeho. Yagize ati “rwose umugabo wange twari tubanye neza nta kibazo kidasanzwe twari dufitanye keretse ubukene twari twifitiye ariko nta kindi kintu kidasanzwe cyari gutuma ansigira urugo n’aba bana twabyaranye”.
Uyu muryango wari usanzwe utunzwe n’ubuhinzi nabwo butawuhagije bityo bikaba biri gukekwa ko uyu mugabo yaba yarahunze urugo kubera ibibazo by’ubukene birimo kubura ibyo umuryango we ukeneye kandi ahari ndetse no kuburira abana be amafaranga y’ishuri cyane ko aba bana bahise bareka ishuri nyuma yuko babuze ise wagiraga icyo abafasha mu bushobozi bukeya yari afite.
Muri iki gihugu cya Kenya ngo ibi si ubwa mbere bibaye kuko ngo n’ubundi ubusanzwe abagabo benshi iyo babonye ibibazo by’ingo zabo bibarenze bamwe bacika inshingano zabo bamwe bakanagenda batavuze yewe n’abagore babo ntabababwire iyo bagiye.
Gusa ubuyobozi bw’inzego z’ibanze zo muri aka gace uyu mubyeyi atuyemo bwatangaje ko bugiye kurebe ko hari icyo bwamufasha cyane ko afite inshingano zitoroshye kandi n’ubusanzwe nta kuntu asanzwe ameze. Bwongeyeho ko bugiye no gukangurira abaturanyi b’uyu muryango ko umuntu wese ugize uko ameze afite umutima wo gufasha yagira icyo afasha uyu muryango bityo ugakomeza kubaho nubwo bitoroshye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo