Kenya : Arashengurwa n’urupfu rw’umukunzi we bakiri mu kwezi kwa buki

Umugabo w’umunyakenya witwa Dan afite agahinda gakomeye nyuma kuko umugore we atabarutse nyuma y’igihe gito bambikanye impeta y’ubudatandukana aho yafashwe n’uburwayi butunguranye bikarangira atabarutse .

Dan yari amaze igihe gito yambikanye impeta n’umukunzi we yihebeye Joanita Karamuzi, uyu yaje gufatwa n’indwara bitunguranye mu buryo busanzwe nyuma yuko bashyingiwe binamuviramo gupfa.
Uyu mugabo atangaza ko ikimushengura ari uko yari azi ko atangiye intambwe nshya y’ubuzima bwiza atigeze kubamo nyuma yo kwambikana impeta n’umukunzi we, none bikaba bimubereye agahinda katazashira ko kubura uwo yari yarihebeye ubuzima bwe bwose. Dan akomeza avuga ko yari afitiye gahunda nyinshi nziza umugore we ngo nicyo kiri kumushengura kuba imigambi ye yose imuhindukiyemo ikiriyo cyo gusezera umugore we.
Imiryango n’inshuti z’aba bageni bashigukiye hejuru bose bacyumva iyi nkuru y’incamugongo ko Joanita Karamuzi yatabarutse bityo ubu nabo agahinda kakaba ari kose kubw’ibi byago bikomeye.
Uwari ughagarariye iyi miryango mu bukwe yagize ati “ni nyuma y’iminsi mikeya cyane dushyingiye aba bana bacu none ubu dufite agahinda gakomeye ko kubura Joanita Karamuzi bitunguranye gusa tumusize mu biganza bya Nyagasani”.
Umwe mu bafashije aba bageni mu birori byabo nawe yagize ati “Joanita Karamuzi uragiye uradusize ariko ntituzakwibagirwa na gato kuko ugiye tukigushaka cyane, iryamire mu biganza bya Malayika”.
Nyuma y’uru rupfu rutunguranye rw’uyu mugeni Joanita Karamuzi, Dan n’umuryango we batangiye kwakira ubutumwa buturutse impande n’impande bubihanganisha kuri ibi byago.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo