Kenya : Abashyigikiye Uhuru Kenyatta bashotse imihanda

Abantu batandukanye bashyigikiye Perezida Uhuru Kenyatta mu matora ateganyijwe gusubirwamo mu kwezi gutaha bo mu gace ka Nyamira harimo n’abamotari bigabije imihanda batwaye amafoto ya Kenyatta.

Ibi bigaragaye nyuma yuko umwe mu badepite, Ngunjiri Wambugu asabye ko umucamanza mukuru ariwe David Maraga yakqwirukanwa burundu ku mirimo ye aho uyu mudepite amushinja kwitwaza amategeko agahirika ubutegetsi. Gusa Bwana Wambugu ava mu rugaga Jubilee ruri ku butegetsi rwa Perezida Uhuru Kenyatta.

Ngunjiri Wambugu yasabye ko umucamanza mukuru ariwe David Maraga yakwirukanwa ku mirimo ye nyuma yuko urukiko rukuru ayoboye rufashe icyemezo kidasanzwe cyo gutesha agaciro ibyari byavuye mu matoro y’umukuru w’igihugu yari yabaye mu kwezi gushize kwa Kanama ku itariki 8 bivugwa ko atari yateguwe neza ndetse hakabamo no kwiba amajwi mu ibarura ryayo.

Raila Odinga nawe yari yateye utwatsi ibyari byavuye mu matora avuga ko yibwe amajwi ko ari we wari watsinze amatora.
Nkuko bitangazwa n’ikinyamakuru Tuko.co.ke, ngo iki cyemezo cya David Maraga cyo gutesha agaciro ibyari byavuye mu matora ya mbere cyatunguye bikomeye abarwanashyaka ba Kenyatta ndetse nabagize urugaga Jubille runakomokamo Perezida Uhuru Kenyatta. Gusa ibi byose ntibyatumye Maraga adakora akazi ke atitaye ku cyo ari cyo cyose.

Abashyigikiye Kenyatta kandi ngo icyabateye kwigaba mu mihanda ngo ahanini ni ukugira ngo bereke uyu mucamanza David Maraga ko ntaho bagiye ko n’ubundi bamuri inyuma mu matora ateganyijwe mu kwezi gutaha.

Uyu mucamanza mukuru na bagenzi be batatu bashyigikiye icyemezo cy’umukandida utavuga rumwe n’ubutegetsi ari we Raila Odinga uvuga ko amatora aherutse yaranzwe n’uburiganya. Urukiko rw’ikirenga rwa Kenya rwategetse ko ayo matora asubirwamo mu kwezi gutaha tariki ya 17 Ukwakira uyu mwaka.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo