Kenya : 2 bahitanywe n’ibitero by’umutwe wa al-Shabaab

Mu gace ka Lango la Simba mu gihugu cya Kenya, abantu 2 byemejwe ko bishwe nyuma y’ibitero by’umutwe w’iterabwoba wa al-Shabaab. Mu kwezi kwa 9 k’umwaka washize uyu mutwe ukaba wari warivuganye abandi bantu 2 n’ubundi bo muri aka gace.

Amakuru yageze ku kinyamakuru TUKO.co.ke yerekanye abanyakenya babiri bicwa n’intagondwa za al-Shabaab. Ibi bikaba byabereye ahitwa Lang La Simba hafi y’inkengero z’uruzi rwa Lamu na Tana. Ibi bikaba byabaye kuri uyu wa kane mu gace ka Tana gusa ngo aba bicanyi bakaba bahise bacika.
Ibi bije bikurikiye abandi banyakenya 3 bo muri aka gace bishwwe harimo n’umwarimu wishwe n’izi ntagondwa za al-Shabaab.
Byatangajwe kandi ko bamwe bishwe ndetse n’imibiri yabo igatwikwa n’izi ntagondwa. Muri aba bishwe harimo Sammy Mwakisha, wari umukuru w’imirimo ya Leta ndetse na Chrispine Dullu wari ukuriye ingufu z’amashanyarazi.
Ibi byahamijwe n’umusore w’imyaka 19 wari mu modoka ubwo izi ntagondwa zabarasagaho nkuko yabitangarije ibitangazamakuru bitandukanye byo muri Kenya. Gusa umushoferi wari utwaye imodoka yakomeje gutwara ariko izi ntagondwa ntizamworohera kuko zakomeje kurasa ku bagenzi zidahagaritse.

Daniel MUKESHIMANA/Umubavu.ciom



Tanga igitekerezo kuri iyi nkuru



Igitekerezo