Kamonyi :Aratabaza nyuma yo gusigirwa uruhinja rw’amezi 2 nyina akaburirwa irengero

Kuri uyu wa Gatatu tariki 23 Kanama 2017 nibwo Umugore witwa Muhenimana Melena yageze ku Murenge wa Runda ho mu Karere ka Kamonyi afite uruhinja rw’amezi abiri avuga ko nyina urubyara bahuriye muri gare ya Muhanga ejo ku wa Kabiri akamusaba kurumufasha nyuma akaza kumuburira irengero.

Muhnimana n’agahinda kenshi mu maso akaba yavuze ko uwamusabye kumufasha uru ruhinja atamuzi kuko ngo yamubwiye ngo amumufashe ajye gukatisha tike y’urugendo amubwira ko berekeje hamwe.

Ati’’Ku itariki 22/08/2017,ubwo navaga gusengera kumusozi bita Kanyarira, ntegereje gutega ngo ntahe ubwo mbona umubyeyi araje atwaye umwana mu ntoki ansaba ko mufasha umwana akajya kubikuza tike tuga tega kuko tujya hamwe, maze umwanana ndamusigarana nyuma ntegereza ko mama w ‘umwana agaruka ndaheba ?mbonye atagurutse umwana mujyana mu rugo mu gitondo mbimenyasha urwe go rwa polisi, bambwirako ngomba kumujyana ku Murenge bakamufasha’

Uyu mugore aganira n’Umunyamakuru wa Umubavu.com akaba yavuze ko nta bushobozi afite bwo kurera uru ruhinja dore ko nawe ngo afite undi mwana w’imyaka ibiri nawe urerwa na nyina umubyara kuko ari nawe babana kuko nta mugabo afite.

Ku bijyanye n’iki kibazo , Umuyobozi ushinzwe imibereho myiza y’Abaturage mu Murenge wa Runda ,Uwimana Claudine yatangarije Umubavu.com ko bikomeye kuko nta mwirondoro wa nyina w’uru ruhinja bafite ariko bakaba bagiye kuganira n’inzindi nzego zitandukanye ku buryo uyu mwana afashirizwa mu muryango arimo ndetse hagahita hatangwa ubufasha bw’ibanze .

Niyonagize Sarathiel/Umubavu.com



Tanga igitekerezo kuri iyi nkuru



Igitekerezo