Kamonyi:Abakorera mu Gakiriro ka Bishenyi baratabaza

Bamwe mu baturage bakorera mu gakiriro k’Akarere ka Bishenyi mu Karere ka Kamonyi baravuga ko bari bugufi gukinga imiryango niba bakomeje kutabona ababagurira

Bitandukanye nuko biba bimeze mu tundi dukiriro ,aka ka Bishenyi ko karihariye nta rujya n’uruza by’abantu uhasanga bagura cyangwa bagurisha.

Iki, ni ikimenyetso abakoreramo batanga nk’ikerekana igihombo bafite baterwa no kubura aba bagurira kuburyo ngo ibyo bakoze bimara igihe bitaguzwe kugeza nubwo ibyangirika bishobora kurangira.

Aba banyamyuga bavuga ko batazi impamvu yo kubura ababagurira ariko hari izo bakeka hari abavugako bishobora kuba biterwa nuko batangiye kwakwa umusoro hakiri kare bataramenyerwa n’abaclient ,hari n’abavuga ko ubukode bw’ibibanza buri hejuru nabwo butuma badakuramo n’ayo baba bashoye abandi bakavuga ko bagenzi babo bagikorera mu ngo batuma ntawe ujya kugurira mu gakiriro asize ibyo agura mu ngo ,ibi byose bakeka ko byaba aribyo bituma bahomba bikomeye.

Ubuyobozi bw’akarere ka Kamonyi yabwiye Royal Tv dukesha iyi nkuru ko abaguzi bahari muri aka gakiriro nubwo ngo atari benshi bigendenye nuko nta gihe kahamaze, ariko ngo bukomeje ubukangurambaga bwo kuvana abakorera mu ngo ngo baze gukorera hamwe n’abandi mu gakiriro.

Gukorera hamwe by’umwihariko muri utu dukiriro, ni intego ya leta yo guha agaciro imyuga n’ubumenyi ngiro ,abo byahiriye bavuga ko nta kindi bakora kikabinjiriza amafaranga kurusha ibi bakora ,byaba ari ikibazo aba bo muri Kamonyi niba ibyo bavuga aribyo koko ko bagiye guhomba kugeza aho bifuza gusubira gukorera ahatemewe mu hahishe mu ngo, mu gihe ahubwo hagakwiriye kuba hitezwe ibyo bagezeho mu gihe kigera hafi ku mwaka bakanguriwe aka gakiriro , Ibi biraha umukoro inzego zibishinzwe gufatira iki kibazo mu maguru mashya ibishoboka bigakorwa .



Tanga igitekerezo kuri iyi nkuru



Igitekerezo