Jay Polly ashobora kwisanga mu mazi abira azira kwiba telefone

Nyuma yo kuvugwaho kwiba telefone 2 akaza gutanga 1 indi akemera kuyishyura bikaba bitarashyirwa mu bikorwa,umuhanzi Jay Polly ashobora kwisanga mu mazi abira nk’uko umunyamakuru Ntwari Anaclet abitangaza.

Ku itariki ya 6 Kanama 2017 mu masaha y’ijoro Umuhanzi Tuyishime Joshua uzwi ku izina rya Jay Polly nibwo hatangiye gucicikana inkuru zivuga ko uyu muhanzi yaba yibye telefone 2,gusa andi makuru akaba avuga ko kugeza ubu uyu muhanzi yamaze kwishyura telefone 1 akaba atarabasha kwishyura indi ya 2 ari nayo ishobora gutuma yisanga mu mazi abira nk’uko umunyamakuru Ntwari wibwe izo telefone yabitangarije umubavu mu gitondo cyo kuri uyu wa kabiri tariki 29/08/2017.

Anaclet Ntwari yabwiye umubavu.com ko Jay Polly yemeye kwishyura izi telefoni zombi icyakora yahise atanga 1 uwo mwanya indi avuga ko yayibwe nawe ariko yemera kuzayishyura.

Icyo gihe yari yemeye kuzayishyura ku itariki ya 19 Kanama 2017 amafaranga ibihumbi 50.

Anaclet yagize ati :"haje kubaho intervantion ya police kuri station ya Nyanza kuko ariho byari byabereye,icyabaye ni uko yansubije imwe ambwira ko indi bayimwibye,kuko yambwiraga ko afite ibibazo by’amafranga namusabye ko yanshakira amafranga make,twumvikana ibihumbi 50,ikibazo ni uko muhamagara umunsi yampaye telefone ntayifate,gusa ejo twarabonanye arambwira ngo nimwihanganire azanyishyura ejo kwa 3 tariki ya 30/08/2017 aramutse atabikemuye umuntu yanyura iyindii nzira kuko nta muntu numwe uri hejuru y’amategeko".

Twagerageje kuvugana na Jay Polly ariko ntibyadushobokera kuko atabashije kwitaba telefone,gusa turacyamushakisha ngo agire icyo atangaza kuri ibi bimuvugwaho.

Anaclet NTIRUSHWA//UMUBAVU.COM



Tanga igitekerezo kuri iyi nkuru



Igitekerezo