Ishusho y’Umuyobozi mwiza mu mboni za Perezida Kagame

Perezida wa Repubulika y’u Rwanda ,Paul Kagame asanga umuyobozi wumva ko ashimwa na bose aba atazi icyo akora kuko hari n’abanyamakosa bazamushima kuko yarebereye ibyo bakora akicecekera.

Ubwo yakiraga indahiro z’abagize Guverinoma Nshya ku wa Kane tariki 31 Kanama 2017,Perezida Kagame yavuze ko hari abumva ko umuyobozi mwiza ari ushimwa na bose ataribyo kuko umuyobozi nyawe agomba gushima akanenga ibitagenda neza ndetse akagira n’imbaraga zo kubwira ubwo bireba akikosora.

Umukuru w’Igihugu yakomeje avuga ko iyo umuyobozi wanga kwiteranya uzasanga no mu bamukunda harino n’abanyereza ibya rubanda ndetse n’abakora amakosa atandukanye kuko bayakora arebera ntihagire icyo akora.

Mu ijambo yagejeje ku bitabiriye uyu mugango no ku banyarwanda muri rusange ,Perezida Kagame yavuze ko u Rwanda rufite ibibazo bitandukanye bityo ko n’uburyo bagomba kubikemuramo bugomba kuba bwihariye.

Aha Perezida yatanze urugero ko u Rwanda ari igihugu kidakora ku Nyanja nini bityo ko ibyo rwakira n’ibyo rwohereza bica mu nzira ndende bityo bikabaza bihenze si ibyo gusa hari aho ugera bakanga kugukingurira cyangwa bakabiremereza bityo gutambuka bikaguhenda.

Ati’’Hari igihe umunturanyi agira ibibazo udafite aho uhuriye nabyo wamusaba inzira akakumariraho intimba afite, twe ibyacu ni uguhitamo, biradusaba kubaba ubushobozi ,biradusaba kubaka imikorere umuntu agomba kuba ashingiraho cyangwa ashingira ku bitekerezo bimwibutsa ko abanyarwanda bafite ibibazo by’umwihariko’’

Umukuru w’Igihugu kandi yavuze ko abumva ko nta kibazo gihari ari ukongera ibibazo kandi ko bifite guhenda mu gukemurwa ndetse ko ibyo asaba abayobozi
gukora ari ibintu byoroshye ati’’Bimwe tutuzuza ni bintu byoroshye kandi bifite ingaruka ziremereye bivuze ngo iyo udakoze nk’uko bikwiye biraduhenda bikatuviramo kutuzuza inshingano nk’abanyarwanda’’

Perezida Kagame akaba yashimangiye ko niba abayobozi badakoze nk’uko bikwiye bizabangamira bwa Budasa bw’u Rwanda bityo akaba yabasabye gukorera hamwe mu ntego imwe.

Umukuru w’Igihugu yasabye Minisitiri w’Ubutabera kutajengekera uwo ari wese wanyereje ibyarubanda.

Yakomeje avuga ko nta muntu n’umwe utakurikiranwa n’amategeko uko yaba ameze kose. Minisitiriw’Ubutabera yamusabye gukomeza gukurikirana buri kimwe cyose kuva ku nyereza amafaranga. Kagame ati “niyo waba warashatse kuba Perezida ntibikunda ibyo ntibihuga ubudahangarwa.”

Gabriel Habineza/Umubavu.com



Tanga igitekerezo kuri iyi nkuru



Igitekerezo