Intsinzi ya Perezida Putin mu matora ntiyakiriwe neza I Burayi

Nyuma yuko Vladimir Putin wari usanzwe uyobora igihugu cy’u Burusiya yegukanye intsinzi mu matora yabaye ku munsi w’ejo ku Cyumweru tariki ya 18 Werurwe 2018, ibihugu by’I Burayi byaruciye birarumira habe no kwifuriza uyu mugabo uzwiho kurebana ay’ingwe na Amerika intsinzi nziza nkuko bisanzwe bigenda ku bandi baperezida begukanye intsinzi mu matora y’umukuru w’igihugu.

Learn how to Thrive

Ibihugu birimo u Bushinwa, Kazakhstan, Belarus, Venezuela, Bolivia na Cuba nibyo bihugu byonyine byoherereje ubutumwa Perezida Putin bimwereka ko byishimiye intsinzi ye.

BBC yanditse iyi nkuru ivuga ko uwo bari bahanganye wari uhagarariye ishyaka rya Communist Party, yabonye amajwi ari munsi ya cumi n’abiri ku ijana (under 12%).

Hari amakuru avuga ko muri aya matora habonetsemo utubazo dukeya turimo iby’uko hari amasandugu yujujwemo amajwi n’abantu bategetswe gutora ku ngufu cyane cyane barimo abakozi ba Leta ndetse n’abanyeshuri.

Umwe mu bagabo bakomeye batavuga rumwe na Leta, Alexei Navalny, wabujijwe kwiyamamaza yanditse kuri Twitter ye avuga ko byamugoye cyane kunesha ishavu ubwo amajwi yatangazwaga.

PNG - 362.9 kb
Perezida Vladimir Putin yabonye bitatu bya kane by’amajwi yose y’abatoye

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo