Inkuru isekeje ya Perezida Kagame  ubwo yasuraga Ingagi mu myaka 14 ishize

Kuri uyu wa Gatanu tariki ya 1 Nzeri 2017,Perezida Kagame ubwo yagezaga ijambo ku bitabiriye umuhango wo kwita izina abana b’Ingagi 19 wabereye mu kinigi mu karere ka Musanze,yavuze inkuru isekeje ku byamubayeho ubwo yajyanaga n’umushyitsi ukomeye wari ubuye i Burayi mu Birunga gusura Ingagi mu myaka 14 ishize.

Agaruka ku byamubayeho ,Perezida Kagame yavuze ko ubwo batemberaga basura Ingagi muri ako kanya batamenye icyakanze umwana w’ingagi, ngo uwo mwana yavugije induru hanyuma haza nyina wayo witwa ’Silver Back’

Ati “ Najyanye n’abashyitsi kujya kureba ingagi tugezeyo turazisura, ingagi ntoya y’akana yari imaze igihe gito ivutse ngira ngo sinzi icyayikanze ivuza urwamo nkaho hari icyo ibaye’’

Ngo iyi Ngagi nkuru’Silver Back’ ikimara kuza uwari ushinze kubayobora yasabye Perezida Kagame n’umushyitsi kwitonda ndetse bagaca bugufi kugirango nyina w’uwo mwana w’ingagi ataza guteza amahane.

Ngo Perezida Kagame ntiyazuyaje yahise aca bugufi kuko uwabayoboraga yari yababwiye ko gucabugufi aricyo kimenyetso cyagombaga kwereka Silver Back ko badashaka kurwana .

Ati’’Ingagi nini [silverback] iza yirukanka ije gutabara umwana wayo, inkuru ntabwo nari narigeze nyivuga ariko uyu munsi ni mwiza kugira ngo nyivuge. Hanyuma silverback ije kurengera umwana wayo, uwari uduherekeje aratubwira ngo nce bugufi, twicare, tugaragaze ko twebwe tudashaka kurwana, naho ubundi tuza kugira ibyago."

Perezida Kagame nawe wasetswana n’iyi nkuru yakomeje agira ati " Turabikora, hanyuma uwo mushytsi arahindukira arambwira ngo ntiwazibwira ko uri Perezida w’Igihugu. Uwo twari kumwe, uwo mushyitsi arambwira ngo nimbwire ingagi ko ndi Perezida w’u Rwanda idakwiriye kuntikinyuka ariko nari nageze hasi kare kugira ngo njyewe n’abashyitsi tuze kugira amahoro.”

Perezida Kagame asoza ijambo rye akaba yasabye abaturage gufata neza ibinyabuzima n’ibidukikije muri rusange kuko bigira akamako kanini mu iterambere ry’igihugu n’iry’Abanyarwanda.

Umubavu.com



Tanga igitekerezo kuri iyi nkuru



Igitekerezo