Inkumi igiye kurongorwa na Jacob Zuma yatanze ikiganiro kuri TV yambaye ubusa abanyamakuru barumirwa binabatera isoni

Umukobwa witwa Nonkanyiso Conco uvugwaho ko yaba ari mu myiteguro yo kwambikana impeta n’umukambwe Jacob Zuma wahoze ari Perezida w’igihugu cya Afurika y’Epfo, yatangaje isi ubwo yatangaga ikiganiro kuri Televiziyo yambaye hafi uko yavutse byanamuviriyemo kwirukanwa ku kazi azira iyi myitwarire idahwitse.

Uyu mukobwa w’imyaka 24 y’amavuko urushwa na Jacob Zuma imyaka 52 yose, yategetswe kwegura ku kazi yakoraga k’umubitsi mu kigo kitegamiye kuri Leta yakoragamo kitwa ‘she Conquers’ gishinzwe kurengera no kwita ku bagore babana na Virus itera SIDA ndetse no guhangana n’ihohoterwa ribakorerwa.

PNG - 816.3 kb
Conco aherutse kwibaruka umwana w’umuhungu ahamiriza itangazamakuru ko ari uwa Zuma.


Umuyobozi wungirije wa ’She Conquers’, Leonora Mathe, yavuze ko impamvu basezereye Conco ari uko yakoze ibihabanye n’indangaciro z’uwo muryango nk’uko BBC yabitangaje.

PNG - 764.7 kb
Conco yahise yirukanwa ku kazi nyuma yo kugaragaraho iyi myitwarire idahwitse yo kwiyambika ubusa ku karubanda


Yavuze ko baharanira ko abagore n’abakobwa bigira, aho guhora bararikiye iby’abagabo bakuze b’abakire (Sugar Daddies).

PNG - 474.2 kb
Ubwo Conco yaganiraga na eTV yambaye ubusa, abanyamakuru bumiwe bagira isoni zo kumureba


Ibinyamakuru byo muri Afurika y’Epfo byatangaje ko Conco ari gutegura ubukwe na Zuma. Nibibaho azaba ari umugore we wa karindwi.

Ikinyamakuru Times Live cyatangaje ko Conco ubwo yari amaze kubyara, tariki 12 Mata 2018, Zuma yamusuye mu bitaro inshuro eshatu. Kivuga ko Conco yatangiye umubano wihariye na Zuma mu mwaka wa 2013.

Bwa mbere Zuma yashakanye na Sizakele Khumalo mu mwaka wa 1973.Nyuma y’imyaka itatu yahise arongora Kate Mantsho waje kwiyahura mu mwaka wa 2000.

Mu mwaka wa 1982 Zuma yashatse Nkosazana Dlamini, baza gutandukana mu 1998.

Mu 2009 Zuma yashatse Nompumelelo Ntuli wakoraga isuku muri Hoteli. Mu mwaka wa 2010 yashatse undi mugore witwa Tobeka Madiba ari na we bakunze kugaragara bari kumwe. Mu 2012 yashatse Gloria Bongi Ngema.

Jacob Zuma ngo n’ubusanzwe afitanye abana n’abandi bagore batandukanye batarashakanye mu buryo bwemewe n’amategeko.

PNG - 852.6 kb
Nonkanyiso Conco, umukobwa bivugwa ko ari mu myiteguro y’ubukwe n’uwahoze ayobora Afurika y’Epfo, Jacob Zuma
PNG - 617.9 kb
Jacob Zuma yamaze kwambika impeta Conko

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo