Inka yabyaye umutavu utagira amaboko bitera ubwoba benshi

Ku isi hakunze kugenda hagaragara ibintu bidasanzwe akenshi bikaza bikura abantu imitima bitewe nuko biba bitari bikunze kubaho bamwe bakanabishingiraho bemeza ko isi yegereje umusozo wayo. Mu gihugu cya Kenya haravugwa inka yabyaye umutavu udafite amaboko, ibintu byakuye abantu imitima dore ko byayinaniye kubasha guhagarara ngo yonke kubera kutagira amaboko.

Learn how to Thrive

Umugabo witwa Simiyu ari nawe nyiri iyi nka yabyaye umutavu udafite amaboko yasobanuye ko kuva yatangira korora inka aribwo bwa mbere inka ye ibyaye umutavu udafite amaboko yewe ngo nibwo yanabona ibi no mu mateka ye.

Abaturanyi b’uyu mugabo bakimara kumva iyi nkuru isa nkaho iteye ubwoba bihutiye kugera mu rugo rwe ngo birebere imbonankubone niba koko ibyo avuga ari ukuri niko gusanga uyu mutavu ubyagiye koko ufite amaboko utabasha no konka nkuko Tuko banditse iyi nkuru babivuga.

PNG - 888.9 kb
Nkuko bigaragara kuri iyi foto uyu mutavu ufite amaguru abiri y’inyuma gusa


Abaturage bo mu gace ka Bungoma mu mujyi wa Kimilili mu cyaro cya Marofu ari naho habereye ibi bashidukiye hejuru bacyumva iyi nkuru dore ko ari ibintu bidakunze kubaho niko kwihutira kugera aho byabereye basanga inkuru ni impamo uyu mutavu ufite amaguru abiri y’inyuma gusa.

Uyu mutavu wavutse mu cyumweru gishize byatumye abantu batagira ingano bagenderera urugo rwa Simuyu ngo birebere iyo nka yabyaye umutavu udafite amaboko.

Eliud Simuyu ariwe nyiri iyi nka yakomeje kubwira abantu benshi bagiye baza mu rugo iwe kureba uyu mutavu ko mu buzima bwe aribwo bwa mbere nawe abibona kuva atangiye korora inka.

Simuyu yagize ati “ nange byanteye ubwoba kuko nibwo bwa mbere nari mbibonye kuva ntangiye korora kandi sinabyishimiye kuko si ibintu byiza rwose. Imana igenda yiyerekana mu buryo butandukanye kuko burya niyo iba izi byose”.

Uyu mugabo usanzwe ari umworozi umenyerewe cyane mu gace ka Kimilili yashimangiye ko mu myaka irenga 20 amaze yorora inka aribwo nawe yari abonye inka ishobora kubyara umutavu utagira amaboko.

Asobanura uko uyu mutavu wavutse, Simuyu yavuze ko byafashe umwanya utari muto byanatumye yitabaza abaturanyi be ngo bamufashe dore ko iyi mbyeyi yari yagowe cyane no kubyara uyu mutavu ariko kera kabaye bagiye gushaka uburyo bayikiza niko guhita ibyara.

Abantu bose babonye uyu mutavu bakomeje gutangara dore ko ari ibintu bidasanzwe ku isi abandi nabo bakagenda babifatiraho bavuga ko isi igeze ku musozo kubera ibintu bitigeze kubaho biri kugenda bigaragara muri iki gihe.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo
Majyambere japhet Kuya 9-05-2018

Aho nimukihe gihugu??

-xxxx- Kuya 9-05-2018

uri umunyamakuru ariko ntabunyamwuga wifitemo peeeee ntabwo inkuru yawe yumvikana murakoze!