Ingabo za ONU zirasaba kujya zikoresha ingufu mu kugarura amahoro

Nyuma yo kubona ko ingofero n’ibendera bya ONU bitabakingira mu butumwa bwo kugarura amahoro mu bihugu baba boherejwemo, abasirikari b’uyu muryango barasaba ko bahabwa uburenganzira bwo kujya bakoresha ingufu mu kugarura amahoro mu gihe bibaye ngombwa.

Icyegeranyo cyo mu rwego rwo hejuru kivuga ko ingofero n’ibendera bya Onu bitagikingira ingabo z’uyu muryango bityo ko zitakagombye gutitinya gukoresha ingufu aho bikenewe.

Icyo cyegeranyo cyasabwe n’Umunyamabanga Mukuru wa ONU, kivuga ko ingabo za ONU zitegerezwa kujya zigaba ibitero mu kwikingira umwanzi.

Kivuga ko abo baba bahanganye bumva ururimi rw’intwaro gusa nyamara zitagize icyo zirimaze bigatuma babigabamo.

Gutegurwa neza no guhabwa ibikoresho bikwiye mbere yo koherezwa mu butumwa ni bimwe mu byo icyo cyegeranyo gisaba.

Abasirikare ba ONU bagera kuri magana abiri barishwe muri iyi myaka itanu ishize abari ku mugabane wa Afrika bakaba ari bo bahatakarije ubuzima ari benshi.

PNG - 859.8 ko
ONU ivuga ko igiye guha abasirikari bayo uburenganzira bwo gukoresha ingufu aho zikenewe

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo