Imyigaragambyo ikomeje gufata indi ntera muri Espagne (Amafoto)

Abantu ibihumbi n’ibihumbi ntiboroheye igipolisi mu ntara ya Catalogne nyuma yuko gihutaje ubuzima bwa bamwe mu bari mu matora kamarampaka yo kwigenga kw’iyi ntara.

Ibikorwa byo gutwara abagenzi byabaye bihagaze nyuma yaho amashyirahamwe y’aba Catalans ahamagaje imyigaragambyo idasanzwe ngo berekane agahinda abaturage bafite kubera uburyo bahutajwe n’igipolisi mu matora yabaye ku cyumweru.
Kuri ubu hashinzwe amabariyeri arenga 50 yatumye haba akavuyo k’imodoka mu mugi wa Barcelone nkuko amashyirahamwe y’abacatalans yavuze. Amaduka menshi yafunzwe mu ntara ya Catalogne kimwe n’amashuli, kaminuza ndetse n’amavuriro yakora gusa ku muntu ubabaye bikabije.
Iyi myigaragambyo yatewe no kutubahiriza amategeko agenga imyigaragambyo bigizwemo uruhare n’igipolisi cya Espagne. Abantu barenga 900 barahutajwe igihe igipolisi cya Espagne cyashakaga kubabuza bamwe gutora, amatora ubutegetsi bwa Madrid bwavuze ko adaciye mu mategeko.
Minisitiri w’intebe wa Espagne Mariano Rajoy, yavuze ko ayo matora asa no gukinisha demokrasi.
Mercabarna, isoko rinini mu mugi wa Barcelona baranguriramwo ryari ryuzuyeho abantu benshi cyane nyuma yaho amaduka asaga 770 yose y’ibiribwa yari yafunzwe.
Ku munsi wa mbere ikipe y’umupira w’amaguru y’igihugu cya Espagne yahagaritse imyitozo yari gukora nyuma yaho abafana bamwe na bamwe batoroheye Gerard Pique wari ushyigikiye ayo matora kamarampaka.

Daniel MUKESHIMANA/Umubavu.com

I



Tanga igitekerezo kuri iyi nkuru



Igitekerezo