Impunzi z’Abarundi i Kamanyola zikeneye Umucunguzi

Nyuma y’uko hari Impunzi z’Abarundi zishwe izindi zigakomereka i Kamanyola , Umuyobozi wa Teritwari ya Walungu, Dominique Bofondo yasabye Guverinoma ya Repubulika Iharanira Demokarasi ya Congo ko yakura vuba impunzi z’abarundi muri Teritwari ye kuko abaturage be batazishaka.

Dominique Bofondo mu kiganiro yagiranye na Radio Okapi kuri uyu wa Kabiri tariki 19 Nzeri 2017 yagize ati’’Abaturage basabye ko badashaka kongera kubana n’izi mpunzi kuko ngo ni kimwe n’igisasu biziritseho’’

Iki gitkerezo cyo kuba izi mpunzi z’abarundi zakurwa mu gace ka Kamanyola kikaba gishyigikiwe n’abagore bo muri Sosiyete Sivile muri aka gace nk’uko bagize bati’’« Turasaba umutekano kuko turi mu byago.I Kamanyola nta mutekano .Turasaba ONU na Leta ya Congo gufata izi mpunzi z’abarundi ikazijyana ahandi mu nkambi’’

Ku wa Gatanu tariki 15 Nzeri 2017 nibwo Abarundi 34 bishwe barashwe n’inzego z’umutekano za Congo abandi 124 bagakomereka mu Mujyi wa Kamanyola mu Burasirazuba bwa Repubulika Iharanira Demokarasi ya Congo ,gusa Leta ya Congo ivuga ko abarundi bishwe atari impunzi.

Umuryango w’Abibumbye n’abanyamakuru bakorera muri aka gace kabereyemo ubu bwicanyi ,bavuze ko Igisirikare cya Congo cyarashe urufaya rw’amasasu ku mpunzi z’abarundi ziri mu nkambi ya Kamanyola.

Umuryango w’Abibumbye muri iri tangazo washimangiye ko aba barundi baguye mui bushyamirane hagati yabo n’inzego z’umutekano za Congo.

Minisitiri w’Ububanyi n’Amahanga w’u Burundi, Alain Aime NYAMITWE abicishije ku rukuta rwe rwa Twitter yasabye ko hagaragazwa ukuri ku byabaye ku mpunzi z’abarundi ziri mu nkambi ya Kamanyola.

Gabriel Habineza/Umubavu.com



Tanga igitekerezo kuri iyi nkuru



Igitekerezo