Impunzi z’Abanyarwanda i Brazaville ziteguye gufata inzira y’ishyamba  aho gutaha mu Rwanda

Mu gihe Minisitiri w’Ububanyi n’Amahanga wa Congo Brazaville, Antoinette Dinga Dzondo avuga ko kuva tariki ya Mbere Mutarama 2018 ,impunzi zose z’Abanyarwanda zizaba zikiri ku butaka bw’iki gihugu zizafatwa nk’abahaba batagira ibyangombwa bityo ko hazakurikizwa itegeko gusa izi mpunzi zivuga ko mu gihe hakoreshwa ingufu ngo zitahe mu Rwanda zahitamo gufata inzira y’ishyamba.

Impunzi z’Abanyarwanda 9200 zibarizwa muri Congo Brazaville 11 nibo bamaze kwiyandikasha bemera ko bashaka gutaha mu Rwanda mu gihe Leta zombi zifatanyije na HCR zikomeje kubakangurira gutaha.

Ambasaderi w’u Rwanda muri Congo Brazaville,Jean Baptiste Habyarimana yemeza ko Leta y’u Rwanda yiteguye kwakira impunzi z’Abanyarwanda zose zitahuka.

Amb.Habyarimana kandi avuga ko abarenga Miliyoni 6 bamaze gutahuka mu Rwanda ndetse Leta ikaba yarabaashije mu buryo bushoboka mu gihe basubizwa mu byabo.

Dr Eric Ndayishimiye, umwe mu mpuzi z’Abanyarwanda baba muri Congo Brazaville yabwiye Ijwi ry’Amerika dukesha iyi Nkuru ko impunzi nyinshi ziteguye gufata inzira y’ishamba mu gihe haba hakoreshewe imbaraga ngo zisubizwe mu Rwanda.

Nyuma ya 31/12/ 2017 nibwo HCR izahagarika burundu ubufasha ubwo ari bwo bwose yageneraga impunzi z’Abanyarwanda zizaba zikiri mu buhungiro.

Gabriel Habineza/Umubavu.com



Tanga igitekerezo kuri iyi nkuru



Igitekerezo