Impunzi 33 z’ Abarundi zatawe muri yombi zizira kwangisha bagenzi babo inkunga bagenewe

Polisi y’u Rwanda yatangaje ko yataye muri yombi impunzi z’Abarundi 33 zishinjwa gushishikariza abandi kwanga inkunga zigenerwa n’Ishami ry’Umuryango w’Abibumbye ryita ku Mpunzi (UNHCR); Minisiteri y’Imicungire y’Ibiza no gucyura impunzi ndetse n’iy’Ubuzima.

Learn how to Thrive

Ibinyujije kuri Twitter, Polisi yatangaje ko izo mpunzi 33 zafashwe kuri uyu wa Gatatu, zirimo 31 zo mu nkambi y’agateganyo ya Gashora mu Karere ka Bugesera; imwe yo mu ya Nyarushishi mu Karere ka Rusizi n’indi yo mu ya Muyira mu ka Nyanza.
Polisi yavuze ko icyaha izo mpunzi zakozwe gihanwa n’amategeko kuko ari ugushyira mu kaga izindi mpunzi.

Nubwo Polisi itahise iva imuzi uko izo mpunzi zabigenje, muri izi nkambi ni ho hacumbitse impunzi z’Abarundi zirenga 2500 zaje mu Rwanda zivuye muri Repubulika Iharanira Demokarasi ya Congo. Izi zaje zifite imyemerere yihariye, ntizemera ibiryo byakorewe mu nganda n’imiti.

Mu kiganiro Minisitiri w’Ububanyi n’amahanga, Louise Mushikiwabo, yagiranye n’itangazamakuru muri uku kwezi, yavuze ku myitwarire y’izi mpunzi, agaragaza ko ari ikibazo giteye inkeke.

Yagize ati “Zifite imyumvire yo kutemera kubarurwa hakoreshejwe ikoranabuhanga kandi nibwo buryo dufite bwo kwandikisha impunzi, mu myemerere yabo ntabwo bemera ubuvuzi busanzwe mu gihugu, gukingira abana ntibabyemera. Ntabwo rero nk’igihugu wazana abantu bashobora kuba bafite indwara zandura, badashaka kwivuza.”

Mushikiwabo yavuze ko igikenewe ari ukuziganiriza zikemera kubaho nk’izindi zisanzwe mu Rwanda.

Nyuma y’icyo kiganiro, Umuyobozi Mukuru Ushinzwe Impunzi muri Ministeri y’Imicungire y’Ibiza no gucyura impunzi, Rwahama Jean Claude, yatangarije IGIHE ko mu biganiro bagiye bagirana nazo, zavugaga ko zidashaka ibyakorewe mu nganda ndetse n’imiti zikemera gusa ngo iyaba yarakorewe mu bihugu byo mu karere, atari iturutse mu bihugu bya kure.

PNG - 1.1 Mb
Impunzi z’Abarundi 33 ziri mu Rwanda zatawe muri yombi zishinjwa kubuza izindi kwakira inkunga zagenewe

@Umubavu.com


Travel for Free!


Tanga igitekerezo kuri iyi nkuru



Igitekerezo