Impanuka y’ikamyo yahitanye abavandimwe 3

Abavandimwe batatu nibo baguye mu mpanuka nyuma y’uko ikamyo barimo yibirandutseho ku musozi wa Jukia mu Karere ka Nebbi ho mu gihugu cya Uganda.

Abitabye Imana ni Khorgan Openjirwoth, wahoze ari umunyeshuri ku ishuri ryisumbuye rya Uringi , Davide Awekonimungu na Eres Oneno bose bakaba bari abo mu muryango wa Jupachora.

Umwe mu batangabuhamya aganira na Daily Monitor dukesha iyi nkuru akaba yavuze ko uyu muhanda wuzuye ibinogo ati “Numvise urusaku ako kanya mbona ikamyo ibiranduka.Guverinoma yakagombye gutunganya imihanda cyane cyane uwo ku musozi wa Jukia kuko ukomeje guhitana abantu’’

Umwe mu basaza bo mu muryango wa Jupa-Achora ,Patrick Agenonga akaba yavuze ko batakaje ingufu zahazaza ati’’Twebwe abakuze nta kintu dufite cyo gukora kuri iyi Si ntabwo ari byiza gutakaza urubyiruko rwakagombye kutwitaho’’

Umuyobozi ushinzwe umutekano wo mu muhanda mu Karere ka Nebbi, Richard Olili yavuze ko abitabye Imana bari bagiye mu isoko i Kucwiny ku wa Gatandatu tariki 19 Kanama 2017 ndetse ngo iyi kamyo barimo ikaba yari ifite ibibazo.

Umubavu.com



Tanga igitekerezo kuri iyi nkuru



Igitekerezo