Imbuga nkoranyambaga zatumye yongera gukundana n’uwahoze ari umugabo we bari baratandukanye.

Kamene Goro ni umunyamakuru ukorera televiziyo ya Ebru yo mu gihugu cya Kenya binavugwa ko ateye neza yisanze mu rukundo rukomeye n’uwari umugabo we nyamara bari baratandukanye abifashijwemo n’imbuga nkoranyamabaga.

Kamene Goro nyuma yo gutandukana n’umugabo we yumvaga ari byiza yibwira ko azashobora kuba wenyine nta mugabo ariko ntibwakeye kangahe yatangiye kwirukanka mu mbuga nkoranyambaga ashakisha umukunzi nyuma yo kunanirwa kuba wenyine nkuko yari yarabihisemo, nibwo muri izi mbuga nkoranyambaga yaje guhuriramo n’uwahoze ari umugabo we si ukongera gukundana karahava.

Kamene Goro, umunyamakuru wa wa Ebru TV bigaragara ko atari yarigeze yibagirwa uwahoze ari umukunzi we ngo ndetse ntiyigeze yibagirwa ibihe byiza bagiranye mu rukundo rwabo bakibana nk’umugore n’umugabo.
Ku rukuta rwe rwa Instagram Kamene Goro yagaragaje ko yishimiye kongera kumenyana n’uwahoze ari umugabo we ndetse anongerahom ko yishimira cyane abaturage bo mu gihugu cya Afurika y’Epfo cyane ko ariho uwahoze ari umugabo we akomoka.
Kamene Goro yari yatandukanye n’umugabo we bari bamaranye imyaka ibiri gusa icyo bapfuye bakaba batari bashatse kugitangaza. Mu butumwa yari amaze iminsi yandika ku mbuga nkoranyambaga yavugaga ko ashaka umugabo ku bw’amahirwe niko guhura n’umugabo we wa mbere. Yagize ati “umwamikazi ntashobora kubaho nta mwami”, aha yavugaga ko uwahoze ari umugabo we yari umwami nawe akaba umwamikazi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo