Imbonerakure zo  muri Gereza nkuru ya Mpimba ziryamiye amajanja

Amakuru ava muri Gereza Nkuru ya Mpimba mu gihugu cy’u Burundi avuga ko urubyiruko rw’Ishyaka riri ku butegetsi rya CNDD-FDD ruzwi nk’Imbonerakure ruhabwa imyitozo ya gisirikare rubwirwa ko rugomba kwitegura kurwanira igihugu igiye cyaterwa.

Ngo iyi myitozo izi Mbonerakure ziyihabwa n’umwe mu mfungwa akaba n’umwe mu bashinzwe umutekano muri iyi Gereza witwa Julien Nimubona uzwi ku izina rya Dume afatanyije n’abandi bagororwa babiri aribo Michel Nurweze uzwi nka Rwembe na Joseph Nsabimana uzwi nka Ndomboro.

Iyi myitozo ibere ku kibuga cy’Umupira kibarizwa muri iyi gereza kizwi nka Mahangayiko ikaba iba kabiri mu Cyumweru ku wa Mbere no ku wa Gatanu.

Ngo iyo Imbonerakure ziri guhabwa iyi myitozo nta mugororwa w’undi wemerewe kuhegera nk’uko bitangazwa na RPA dukesha iyi nkuru ngo hanakozwe urutonde rw’Imbonerakure zigunzwe zigomba kurekurwa zikajya kurwanira igihugu.

Abandi bagororwa bafungiye muri iyi gereza bakaba bavuga ko batewe impungenge n’umutekano wabo kubere iyi myitozo ituma Imbonerakure zitwara nk’abasirikare.

Iki kinyamakuru gitangaza ko cyageregeje kuvugana n’ubuyobozi bwa gereza ya Mpimba ariko ntibikunde.

Umwali Alice/Umubavu.com



Tanga igitekerezo kuri iyi nkuru



Igitekerezo