Imbohe 42 zakatiwe urwo gupfa zanyonzwe muri Iraki

Abantu 42 bari barakatiwe urubanza rwo gupfa muri Iraki bashinjwa ubwicanyi butandukanye, gufata abagore ku ngufu ndetse no guturitsa ibisasu, kuri uyu wa mbere nibwo bishwe bamanitswe. Ibi byatangajwe na Minisitiri w’ubutabera wa Iraki.

Ibi bikaba byabereye muri gereza iherereye mu gace ka Nassiriya mu burasirazuba bw’igihugu cya Iraki kandi n’imiryango yabo nayo yari ihari.

Ishyirahamwe mpuzamahanga riharanira uburenganzira bwa muntu, Amnesty International mu itangazo yashyize ahagaragara rivuga ko bibabaje cyane kubona hakiri Leta zigikoresha bene ibi bihano kugira ngo yerekane ko yitaye ku umutekano wayo kurusha ibindi bihugu.

Ku bwa, Amnesty International, igihugu cya Iraki kugeza ubu nicyo gihugu kiza ku isonga mu kwica imbohe muri ubu buryo hagakurikiraho u Bushinwa na Arabiya Sawudite.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo