Ikipe ya Barcelone ishobora kuva muri   La Liga

Nyuma yaho intara ibarizwamo ikipe ya Barcelone ibonye ubwigenge mu matora ya kamarampaka yabaye ku cyumweru, hatangiye guhwihwiswa amakuru na bamwe mu batoza b’amakipe atandukanye nka Arsene Wenger usanzwe atoza ikipe ya Arsenal nyuma yaho atsindiye ikipe ya Brighton and Hove Albion 2-0 aho akavuze icyo atekereza mu gihe ikipe ya Barcelone yahitamo kuza muri Premier League mu Bwongereza.

Kubera ibibazo bya politike mu ntara ya Catalogne birahwihwiswa ko ikipe ya Barcelone ishobora kuva mu irushanwa ry’umupira w’amaguru ryo mu gihugu cya Espagne rizwi nka La Liga nyuma yahoo iyi ntara ibonye ubwigenge bityo kuri ubu iyi kipe ikaba ifite uburenganzira bwo kuba yakinira irushanwa mu gihugu ishaka.

Ku ikubitiro umutoza w’ikipe ya Arsenal, ArseneWenger yabajijwe icyo atekereza mu gihe iyi kipe ya Barcelone yaba ihisemo kuza irushanwa ryo mu gihugu cyu Bwongereza. Yagize ati "Nahita niga imikinire ya Barcelone. Yongeyeho ko mu gihe iyi kipe yaba ije mu Bwongereza ibintu byaba birushijeho kuba bitoroshye kuri buri wese uri mu irushanwa rya Premier League ".

Arsene Charles Wenger yakomeje avuga ko gusa ibi bitapfa gukunda ngo abitewe nuko ikipe ya Barcelone atari ikipe ya Politiki.

Abajijwe niba yaha ikaze ikipe ya Barcelone mu irushanwa rya Premier League ryo mu Bwongerez, Wenger yavuze ko byaba ari byiza bahanganye n’ayandi makipe yo muri Catalogne mu gihe baba bashaka guteza imbere iri rushanwa ryabo.

Wenger ukomoka mu gihugu cy’u Bufaransa yagize ati “Ndumva byaba biryoshye kureba uko bigenda mu mikino y’amakipe yabaye aya mbere iwayo, Champions League”.

Arsene Wenger yasoje agira ati"u Bwongereza bufite amakipe meza agera kuri 20 akina mu cyiciri cya mbere muri Premier League bityo uwashaka kongeraho andi makipe kugera kuri 24 nkuko biri mu mugambi w’u Bwongereza, byaba byiza hongeweho amakipe yo muri Ecosse mbere yo gushyiraho ayo muri Espagne".

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo