Ijambo rya Trump rigiye gutuma Koreya ya Ruguru ikora ibara

Kim Jong-un, Perezida wa Koreya ya Ruguru yavuze ko ijambo Perezida wa Amerika Donald Trump yavuze asa n’uwayataye umutwe rigiye gutuma abona ko yibeshye aho Koreya ya Ruguru yatangaje ko igiye gukomeza gucura ibitwaro by’ubumara ndetse ikazanihorera kuri Amerika.

Ku munsi wa kabiri mu nama y’Umuryango w’Abibumbye yaberaga mu mugi wa New York, Perezida wa Amerika Donald Trump yavuze ko Amerika nibigera aho ijya mu ntambara izirwanirira kandi ikazasenya burundu igihugu cya Koreya ya Ruguru.

Bwana Trump yise Kim Jong-un umugabo w’amaroketi (rockets man) kandi anavuga ko Perezida wa Koreya ya Ruguru afite umugambi wo kwiyahura.
Ibi bihugu byombi n’ubundi bikaba bidakunze gucana uwaka dore ko binamaze amezi atari make biterana amagambo.

Korea ya Ruguru ntisiba kugeragaeza ibitwaro ndetse bimwe byo mu bwoko bwa nucléaire cyangwa by’ubumara nyamara Umuryango w’Abibumbye nta gihe utiyama iki gihugu.

Minisitiri w’ububanyi n’amahanga wa Koreya ya Ruguru, Ri Yong-ho we yagereranyije ijambo rya Bwana Trump nk’ ijwi ry’imbwa imoka ariko ntiryane avuga ko Pyongyang izagerageza ikibombe cya "hydrogène" mu nyanja ya Pacifique kugira ngo yihimure ku iterabwoba rya Amerika.

Iki kibombe cya Hydrogene (H-bomb) ngo nigiturikira muri Pacifique bizabashimisha cyane nkuko Bwana Kim Jong-un yabwiye ikinyamakuru Yonhap.

Kim Jong-un yongeyeho ko ntawuzi igihe n’umunsi ngo gusa bizaba mu gihe azaba abitegetse.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo