Ijambo rya Perezida Donald Trump muri ONU ryateje impagarara

Ijambo rya mbere rya Perezida wa Amerika Donald Trump mu nama ye ya mbere muri LONI ryanenzwe bikomeye na bimwe mu bihugu bigize uyu muryango.

Perezida Trump yavuze ibihugu nka Iran, yongerako ko aza kugirira nabi cyane igihugu cya Koreya ya Ruguru mu gihe biraza kuba bibaye ngomba ko agitera ndetse mu gihe kitisubiyeho ku mugambi wacyo wo gukomeza gukora ibitwaro bya kirimbuzi ndetse by’ubumara.
Minisitiri w’ububanyi n’amahanga wa Iran we mu ijambo rye yagize ati :"Ijambo rya Trump ni iryo gushyikiriza abanyamakuru si iryo muri uyu muryango wa Onu."

Gusa ntacyo Koreya ya Ruguru iravuga kuri iri jambo ryaTrump yavuze ryo kugirira nabi iki gihugu cyabo.

Ijambo rya Trump ngo ntiryishimiwe mu gihe ngo ibindi bihugu bishaka guteza imbere ubuzima bw’abaturage babyo, ariko Trump we umwanya munini yagumye kuvuga ku bihugu ngo bishaka guteza impagarara ku isi.

Kenshi na kenshi Amerika yagumye yihanangiriza Koreya ya Ruguru mu igerageza ryayo ry’ibitwaro by’ubumara kandi yirengagije amabwiriza ya Onu ndetse n’ibihano yafatiwe n’uyu muryango.

Ku wa kabiri Trump yanenze Perezida wa Koreya ya Ruguru Kim Jong-un, avuga ko afite ibitwaro by’ubumara bishobora gutuma yiyahura mu ntambara kandi bikaviramo igihugu cye akaga gakomeye.

Trump yagize ati ”mu gihe byaba ngombwa ko Amerika yikingira n’inshuti zayo, nta kundi tuzakora atari ugutera igihugu cya Koreya ya Ruguru".

Minisitiri w’ububanyi n’amahanga wa Suede wari muri iyi nama we yavuze ko burya ijambo rishobora kuba ribi mu gihe ritagejejwe ku bo rigenewe.

Trump kandi yananenze igihugu cya Venezuela avuga ko Reta yacyo irya ruswa ndetse ikanahitana bamwe mu baturage bayo gusa ababwira ko nabo Amerika yitegura kubafatira ibyemezo.

Minisitiri w’ububanyi n’amahanga wa Venezuela Jorge Arreaza yanenze icyo we yise iterabwoba agira ati "Trump si Perezida w’isi yose cyane ko atanashoboye no kuyobora Leta ye mbere yo kuyobora isi nzima”.

Mu ijambo rye kandi muri iyi nama, Perezida w’u Bufaransa Emmanuel Macro yavuze ku masezerano y’umugambi w’ibitwaro by’ubumara na Iran avuga ko mu gihe Iran yaba iyavuyemo ryaba ari ikosa rikomeye.

Minisitiri wa mbere wa Israel, Benjamin Netanyahu we yashyigikiye Perezida Trump. Aho mu ijambo rye yavuze ko amasezerano ya Iran akenewe gusubirwamwo cyangwa agakurwaho burundu kuko n’ubundi akomeza gutuma Iran iba igihangange mu karere ko mu burasirazuba bwo hagati kubera ibitwaro by’ubumara ifite.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo