Igiciro cya lisansi cyazamutse

Urwego Rugenzura Imirimo Ifitiye Igihugu Akamaro (RURA) rwatangaje ko igiciro cya lisansi mu Mujyi wa Kigali kitagomba kurenga 1031 Frw kuri litiro naho mazutu ntikirenge 994 Frw kuva kuwa 4 Ugushyingo 2017.

Ibiciro by’ibikomoka kuri peteroli byaherukaga guhinduka kuwa 4 Nzeri 2017 aho litilo ya lisansi itagomba kurenga 993 Frw naho mazutu yo ntirenge 954.

Itangazo RURA yashyize ahagaragara kuri uyu wa Gatanu tariki ya 3 Ugushyingo 2017, rivuga ko izamuka ry’ibikomoka kuri peteroli ryatewe n’izamuka ryabyo ku isoko mpuzamahanga.

Mu Rwanda ibiciro by’ibikomoka kuri peteroli byazamutse cyane muri Werurwe 2014, icyo gihe litiro ya lisansi yageze ku mafaranga 1030 none kuva kuri uyu wa 4 Ugushyingo 2017, hararengaho ifaranga rimwe (1031).



Tanga igitekerezo kuri iyi nkuru



Igitekerezo