Ibisasu bya Koreya ya Ruguru bigiye kuvugutirwa umuti urambye

Ni nyuma yuko Perezida wa Leta Zunze Ubumwe za Amerika, Donald Trump avuze ko u Buyapani bushobora gusambura ibisasu byo mu bwoko bwa "missile" by’igihugu cya Koreya ya Ruguru hifashishijwe intwaro zizagurwa muri Amerika.

Minisitiri w’Intebe w’u Buyapani Shinzo Abe yavuze ko igihugu cye gishobora gusenya burundu ibitwaro by’ubumara bya Koreya ya Ruguru ndetse n’amasezerano y’ubucuruzi ibihugu byombi bifitanye akaba ashobora guseswa.

PNG - 719.6 ko
Trump na mugenzi we w’u Buyapani bemeza ko ibihugu byabo bifitanye umubano mwiza


Aba bategetsi bombi bavugana n’abanyamakuru ubwo Bwana Trump yasozaga uruzinduko rwe mu gihugu cy’u Buyapani.

Koreya ya Ruguru yarashe ibisasu bya "missile" ubugira kabiri mu mezi ashize ibicisha hejuru y’u Buyapani.

Ubwo yasubizaga ku bibazo yabajijwe n’abanyamakuru ku munsi wa mbere, Bwana Trump yavuze ko Bwana Abe agiye kugurira Amerika intwaro nyinshi za gisirikare zo gukoresha muri uru rugamba.

Avuga ku bijanye na "missiles" za Koreya ya Ruguru, yavuze ko Bwana Abe ashobora kuzisamburira mu kirere mu gihe yaba amaze kugura izi ntwaro, yasobanuye kandi ko ibyo byatanga akazi ku banyamerika n’umutekano ku Buyapani.

Bwana Abe yavuze ko hasigaye amasezerano yo kugura intwaro zikenewe, ndetse yongeraho ko u Buyapani bukwiye kuzamura uburyo bwo kwikingira mu gutunga intwaro niza kandi nyinshi bitewe n’ibibazo biterwa na Koreya ya Ruguru.

Mu kwezi kwa kenda PerezidaTrump yoherereje ubutumwa kuri Twitter ye avuga ko azatanga uruhushya igihugu cye kikagurisha ku Buyapani na Koreya ya Ruguru intwaro zigezweho za gisirikare.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo