Ibihugu bitanu bimaze kwizera itike  yo kujya  mu gikombe cy’Isi 2018

Ibihugu bitanu nibyo bimaze kurenga amajonjora mu gushaka itiki yo kwerekeza mu gikombe cy’isi mu mupira w’amaguru kizabera mu gihugu cy’u Burusiya mu mwaka utaha wa 2018.

Ku rutonde, igihugu cya Brésil nicyo kiri imbere mu gutwara igikombe cy’isi inshuro nyinshi kikaba kimaze kugitwara inshuro zigera kuri eshanu zose kigakurikirwa n’igihugu cy’u Bubiligi, Irani, Mexique n’u Buyapani.
Ese ibi bihugu byabashije gukoresha irihe banga ryananiye ibindi kugira ngo byiharire iki gikombe kiruta ibindi ku isi ? Bikinirwa na bande ? Bitozwa n’abahe batoza ? Ibi nibyo twabashakiye nkuko tubikesha bbc.com.

I Burayi

U Burusiya

Abakinnyi b’umutoza Stanislav Cherchesov ntibashoboye kurenga irushanwa rya Confédérations aho batsinzwe na Mexico na Portugal ariko bari batsinze Nouvelle Zélande mu mukino rwa mbere, bikaba bishobora kubakomerana mu mikino y’igikombe cy’isi. Igihugu cya Afrika y’Epfo nicyo cyakiriye iri rushanwa ariko cyari cyananiwe kurenga amajonjora.

Ikipe y’umutoza Cherchesov bizaba bibaye inshuro ya kane ikinnye irushanwa ry’igikombe cy’isi kitwa uburusiya kuko muri 1966 iyi kipe yakinnye imikino y’igikome cy’isi U Burusiya bukitwa Union Soviétique. Abakinyi bose bakiniye iyi kipe mu mikino y’irushanwa rya Confédérations bakaba nta n’umwe uri mu ikipe y’igihugu izakoreshwa mu mikino y’igikombe cy’isi.

Icyizere cy’iyi kipe gifatiye ku munyezamu wabo Igor Akinfeev amaze gutwara ibihembo inshuro 100, ubunararibonye bwe bukaba bushobora gufasha iyi kipe. Uyu muzamu w’imyaka 31 akinira ikipe ya CSKA Moscou bikaba binavugwa ko ariwe uzaba kapiteni w’iyi kipe y’igihugu cy’u Burusiya ari nacyo kizaba cyakiriye iyi mikino.

U Bubiligi

U Bubiligi nibwo bwabaYE igihugu cya mbere ku mugabane w’u Burayi cyabonye ticket icyerekeza mu Burusiya mu mikino ya nyuma y’igikombe cy’isi nyuma y’amajonjora gitsinze amakipe nk’iya Bosnia-Herzegovina na Grèce. Iyi kipe ifite abakinyi bakomeye cyane bakina muri Premier League nka Moussa Dembele, Marouane Fellaini, Christian Benteke, Romelu Lukaku, Kevin de Bruyne na Eden Hazard.

Bizaba bibaye ubwa mbere ikipe y’u Bubiligi igeze mu mikino y’igikombe cy’isi ifite abakinnyi bakaze gutya. Mu gikombe cy’isi giheruka ikipe y’ u Bubiligi yasezerewe muri kimwe cya kane na Argentine.

Eden Hazard akaba ari umwe mu bakinnyi ba mwamba ikipe y’u Bubiligi igenderaho akaba akinira ikipe ya Chelsea yo mu Bwongereza muri Premier League. Umutoza we,Roberto Martinez akaba avuga ko imikinire y’umukinnyi we Eden Hazard izamufasha kwitwara neza muri iyi mikino y’igikombe cy’isi giteganyijwe mu mwaka utaha mu gihugu cy’u Burusiya.

Iyi kipe ifite abakinnyi benshi bakina muri Premier League nka Michy Batshuayi, Thibaut Courtois, Eden Hazard (ba Chelsea), Simon Mignolet (Liverpool), Toby Alderweireld, Moussa Dembele, Jan Vertonghen, (baTottenham), Kevin de Bruyne, Vincent Kompany (ba Manchester City), Marouane Fellaini, Romelu Lukaku (ba Manchester United), Steven Defour (Burnley), Nacer Chadli (West Brom), Kevin Mirallas (Everton), Christian Benteke (Crystal Palace), Divock Origi (Wolfsburg) na Christian Kabasele (Watford).

Amerika y’Epfo

Brésil

Brésil nicyo gihugu cyabaye igihugu cya mbere kirenze amajonjora mu kwezi kwa gatatu. Iki gihugu kimaze gutwara igikombe cy’isi inshuro eshanu mu 1958, 1962, 1970, 1994 no mu 2002 bityo ubu kikaba ari kimwe mu bihugu bifite ikipe nziza ku isi n’umutoza wabo mushya Tite. Gusa mu gikombe cy’isi giheruka, iyi kipe ntibyatumye idatsindwa bikomeye n’ikipe y’u Budage ibitego 7-1.

Iki gihugu cya Brésil kandi ubu nicyo gifite umukinnyi wa mbere uhenze ku isi ariwe Neymar mu mwaka ushize wakiniraga ikipe ya Barcelone yo mu gihugu cya Espagne, ubu akaba yaraguzwe akayabo k’amapawundi imiliyoni 200 na Paris Saint Germain yo mu gihugu cy’u Bufaransa akaba ari no kugenda ayifasha byinshi nkuko bari babimutezeho. Ibi akaba ari nabyo byatumye aba umukinnyi uhenze ubu ku isi nzima nyuma yo kugurwa n’iyi kipe y’umuherwe.

Umukinnyi rurangiranwa wigeze gukinira ikipe ya Brésil, Pele, akaba yaravuze ko uyu mukinnyi w’imyaka 25 ariwe wa mbere mwiza muri iyi kipe yabo. Iki gihugu nacyo gifite abakinnyi benshi bakina mu Bwongereza muri Premier League nka Ederson, Fernandinho, Gabriel Jesus (ba Manchester City), Philippe Coutinho, Roberto Firmino (ba Liverpool), Willian (Chelsea).
Amerika yo Hagati na Ruguru

Mexique

Mexique yinjiye mu makipe abonye ticket yo kuzakina imikino ya nyuma y’igikombe cy’isi kizabera mu Burusiya itsinze Panama 1-0. Juan Carlos Osorio, umutoza w’iyi kipe afite abakinnyi benshi b’abasatirizi ariko akagira ibibazo ku bijanye n’abakinnyi b’inyuma mu gihe capiteni w’iyi kipe,Rafael Marquez ashinjwa na Amerika kuba mu bucuruzi bw’ibiyobyabwenge. Hirving Lozano w’imyaka 22 y’amavuko ukinira PSV Eindhoven, niwe mukinnyi iyi kipe igenderaho ariko bakaba bafite na Javier Hernandez ukina muri Premier League agakinira ikipe ya West Ham.

ASIA

Irani

Ikipe y’umutoza Carlos Queiroz izwi cyane mu kugira abakinnyi b’inyuma bakomeye, ikipe ye yakinye imikino 12 itinjizwa igitego na kimwe. Ni ubwa gatanu iyi kipe yinjira mu marushanwa y’ibikombe by’isi byose ariko ikaba imaze kugitwara rimwe gusa aho yahuye na Amerika ikayitsinda 2-1 mu mikino yabereye mu Bufaransa mu 1998.

U Buyapani

Ikipe y’u Buyapani ntirahusha gukina imikino ya nyuma y’igikombe cy’isi cy’igikombe kuva mu 1998 akaba ariyo kipe iza ku mwanya wa mbere ku mugabane wa Asia. Iyi kipe ifite abakinnyi bakomeye nka Keisuke Honda wakiniye AC Milan na Shinji Kagawa wo muri Borussia Dortmund. Undi mukinnyi twavuga bagenderaho ni Shinji Okazaki wa Leicester City.

Iyi kipe kandi ifite abandi bakinnyi bakina muri Premier League nka Maya Yoshida (Southampton) na Takuma Asano (wa Arsenal ubu watijwe muri Stuttgart). Vahid Halilhodzic, umutoza w’iyi kipe akaba nawe atari agafu k’imvugwarimwe kuko yatojwe amwe mu makipe akomeye kuri ino si ka Paris St-Germain, Dinamo Zagreb ndetse n’ikipe y’igihugu cya Cote d’Ivoire.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo