Hasigaye inzira imwe yo kurwanya Koreya ya Ruguru

Inzira yonyine rukumbi isigaye izatuma Leta Zunze Ubumwe za Amerika zishobora kumenya ibitwaro by’ubumara Koreya ya Ruguru ifite no kubisenya ni ukugaba ibitero biciye ku butaka.

Ibi byavuzwe na Minisiteri y’umutekano ya Amerika ku munsi wa gatandatu bityo ngo abadepite bakaba bafite akazi ko kumenya ingengo y’imari isabwa ngo haboneke ibikoresho bizakoreshwa muri iyi ntambara yo ku butaka hagati ya Amerika na Koreya ya Ruguru.

Mu nyandiko Amerika yasohoye kandi ivuga uburyo Amerika ifatanyije n’ibindi bihugu bifashanya bikeneye ubufasha bwo hejuru kugira ngo bishobore guhangana na Koreya ya Ruguru. Bavuga kandi ko ibitwaro by’ubumara Koreya ya Ruguru itunze ibyinshi yagiye ibitaba kure mu kuzimu bituma bitoroha kubigeraho.

Abadepite barimo Ted Lieu wo muri Leta ya Californiya na Ruben Gallego uhagarariye Arizona, bombi b’aAbademokrate nibo basabye aya makuru yose kuri Koreya ya Ruguru.

Lieu yabwiye ikinyamakuru The Washington Post ko ari iby’ingenzi cyane ko abanyamerika bamenya uko iyi ntambara izamera. Gusa ngo afite amakenga ko abantu ibihumbi 300 bashobora gupfa kandi abarenga ibihumbi 100 bakaba bashobora kuba ari abanyamerika.

Depite gallego we yavuze ko akeneye kumenya neza ibijyanye n’iyi ntambara mu gihe yaba ishyizwe mu bikorwa cyane ko ngo hari amakuru y’ibishobora gushyira igihugu mu ngorane.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Boringo Kuya 6-11-2017

Bigaragara ko iyi ntambara itazabaho mu buryo bweruye.
Yatangiriye mu magambo ni naho izasorezwa. Gusa byaba ari byiza ku kiremwamuntu. Yaba ari inzira nziza y’Imana.
Imana Ikomeze kugenera isi ibyiza kurusha ibindi.