Grace Mugabe ashobora kwamburwa Impamyabumenyi y’Ikirenga yahawe

Ni nyuma yuko urwego rushinzwe kurwanya ruswa mu gihugu cya Zimbabwe ruri gukora iperereza ku mugore w’umukambwe Robert Mugabe, Grace Mugabe niba yarabonye impamyabumenyi y’ikirenga mu buriganya bishobora kurangira ayambuwe mu gihe byagaragara ko yayihawe mu buryo bufifitse.

Ikinyamakuru cyo muri Zimbabwe cya Leta kitwa ‘The Herald’ kivuga ko Madamu Mugabe yakoze ubushakashatsi mu bigo by’abana.

BBC ivuga ko Grace Mugabe yahawe impamyabumenyi y’ikirenga bita PhD, nyuma y’amezi macye amaze kwiyandikisha muri Kaminuza kandi ubundi iyi mpamyabumenyi isaba imyaka myinshi y’ubushakashatsi.

Madamu Mugabe we ashimangira ko yahawe iyi mpamyabumenyi yayikoreye.

Mu kwezi kwa Cyenda, yabwiye mitingi y’ishyaka riri ku butegetsi ko yahawe impamyabumenyi y’ikirenga n’ubwo abamurwanya babishidikanyaga.

Yahawe iyo mpamyabumenyi y’ikirenga muri University of Zimbabwe muri 2014.

Itangazamakuru muri Zimbabwe riravuga ko ubushakashatsi avuga ko yakoze kugira ngo ahabwe iyo mpamyabumenyi, butagiye ahagarara. Bitandukanye n’ibisanzwe bikorwa.

Goodson Nguni, umuyobozi wa Komisiyo yo kurwanya ruswa muri Zimbabwe yavuganye n’ibiro ntaramakuru Reuters agira ati "Ni byo twabonye amakuru ava mu ishami ryiga iby’imibanire y’abantu ku buryo Grace Mugabe yahawe impamyabumenyi y’ikirenga kandi ibyo ni byo turi gukoraho iperereza."

Madamu Mugabe yambitswe ikamba rya PhD n’umugabo we bwite, wahoze ari Perezida wa Zimbabwe, Robert Mugabe, wahoze ari n’umuyobozi mukuru wa University of Zimbabwe.

Madamu Mugabe yizeraga kuzasimbura umugabo we ku butegetsi, ariko abatarashyigikiye iki gitecyerezo mu ishyaka rya Zanu-PF barabyamaganye.

Byateye igisirikare guhaguruka gihatira Bwana Mugabe kwegura ku butegetsi, birangiza imyaka 37 yari abumazeho.

Uwari umwungirije Emmerson Mnangagwa, yahise agirwa Perezida wa Zimbabwe.

PNG - 860.5 ko
Madamu Mugabe yahawe impamyabumenyi y’ikirenga muri 2014 nyuma y’amezi macye atangiye amasomo

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
nahayo innocent Kuya 10-01-2018

Jewe mbona madame Mugabe yarakwiye gusubira kwiga neza agakorera neza iyo mpamya bushobozi.kuko birumvikana KO yaronse iyo mpamyabushobozi kubw’umugabo we.