Gitifu w’Umujyi wa Kigali yirukanwe ku kazi azira  kwigomeka  n’andi makosa

Uwari Umunyamabanga Nshingwabikorwa w’Umujyi wa Kigali, Eng Didier Sagashya, yahagaritswe ku mirimo ye azira imyitwarire mibi mu kazi irimo gusuzugura inzego bakoranaga ndetse no kwangiza amadosiye y’Umujyi wa Kigali.

Amakuru agera ku Mubavu aravuga ko yazize gukingira ikibaba abakozi b’Umujyi wa Kigali bakurikiranweho kwangiza impapuro zijyanye n’igenzura ry’imyubakire mu Mujyi wa Kigali. Hakiyongeraho no kwigomeka akanga gukorana n’izindi nzego z’ubuyobozi mu Mujyi wa Kigali.

Ngo Sagashya yakoresheje abandi bakozi babiri yayoboraga, aca amwe mu madosiye y’Umujyi wa Kigali ku mpamvu zitaramenyekana.Ikindi kandi ni uko ngo abo bakozi babiri bamufashije guca ayo madosiye bari gukurikiranwa n’ubutabera.

Sagashya yahoze ayobora Ikigo cy’Igihugu cy’imiturire ’Rwanda Housing Authority’. Yahavuye ajya kuba Umunyamabanga Nshingwabikorwa w’Umujyi wa Kigali.

Amakuru y’ uko Eng. Didier Sagashya yirukanywe burundu muri aka kazi yemejwe n’ umuvugizi w’ umugi wa Kigali Bruno Rangira.

JPEG - 89.4 ko
Eng. Didier Sagashya wari umunyamabanga nshingwabikorwa w’ umujyi wa Kigali wirukanywe kuri aka kazi burundu kubera imyitwarire idahwitse



Tanga igitekerezo kuri iyi nkuru



Igitekerezo